Ebikorwa 9:21 - Indagano Inyaaya mu-Chijita

²¹ Omwanya gunu abhaanu bhoone ꞉bhoonguuwe Saawuri, nibharuguura muno, nibhabhuusyanya ati, “Atari niwe unu aariga ˆnaanyaasya noorwo okukingira okwita abhaanu bha Yeesu Yerusareemu eyo? Atari ati eejire anu, abhagwate korereki abhasire ku‑bhakuru bha abhagabhisi eyo?”

INDAGANO INYA:YA

²¹ Bo:ne banu bamungwaga nibarugu:ra, nibabu:sya ati, ?Tari niwe unu abanyasyaga banu basabwaga risi:na rinu mu Yerusalemi, na ka e:jire anu akorereki abasire baboerwe ku bagabisi abakuru?

Ebikorwa 9:21 Referans Kwoze

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

2 Batesalonika 1:10

Indamu eyo, irikorekana orusuku runu Raatabhugenyi ariija. Ariija korereki abheeru bhaaye bhoone bhanu bhamwikirisiisye, bhamukusye na okumuyaana echibharo. Emwe wone muribha agati yeebhwe, kwa okubha mwikirisiisye emisango jinu ꞉chaabhabhwiriiye.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

Ebikorwa 3:10

Nibhamumenya ati, niwe uryaurya unu eenyanjaga kw‑irango rinu ryabhirikirwaga ati, Rirango rya Ekisi, rya orubhuga rwa Riyekaru ˆnaasabhiirisyaga. Bhoone nibhatangʼangʼara muno, okurora omusango gunu ꞉gwamubhwene.

Ebikorwa 2:12

Abhaanu bhoone nibharuguura muno nibhataamibhwa okumenya ati niki chinu chaariga nichikorekana, nibhabhuusyanyaga ati, “Jinu jiri na obhugajuro ki?”

Ebikorwa 2:6

Bhejire bhoongwa obhuraka obhwo, echise echinene cha abhaanu nichiikofyanya. Bhuri umwi weebhwe ˆnaatitibhara, kwa okubha ꞉oonguuwe inyaayika yaaye niyayikwa na abheekirisya bha Yeesu abho!

Ebikorwa 7:59

Omwanya gunu bhaariga nibhabhuma Tefwano na amabhuyi, ˆnaasabhwa Nyamuwanga ˆnaayikaga ati, “Raatabhugenyi Yeesu, nuuramire omwoyo gwani!”

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.