Ebikorwa 8:37 - Indagano Inyaaya mu-Chijita

³⁷ Firipo ˆnaamubhwira ati, “Ukeekirisya Yeesu Kirisito kwa omwoyo gwawo gwone, owutura okubhatiijibhwa.” ˆNaamubhwira ati, “Eniikirisya ati, Yeesu Kirisito ni Mwana wa Nyamuwanga.”]

INDAGANO INYA:YA

³⁷ Filipo na:ika ati, Uke:kirisya no mutima gwao gwone outura. Omwene naindura ati, Namwikirisya Yesu Kristo ati niwe Omwana wa Nyamuanga.)

Ebikorwa 8:37 Referans Kwoze

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ebikorwa 8:38

Awoawo ˆnaaragirira ribhirigiti rimereeguru. Niwo bhoone ku‑bhubhiri bhwebhwe nibheeka kw‑ibhirigiti, nibheengira mu‑manji ago, Firipo ˆnaamubhatiija.

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

Yowana 9:35

Yeesu ejire oongwa ati bhaabhirimya omuunu oyo, ˆnaagenda okumuyenja. Ejire aamubhona, ˆnaamubhuusya ati, “Angu, owikirisya Omwana wa Omuunu?”

Yowana 11:27

Maarita ˆnaamusubhya ati, “Raatabhugenyi, eniikirisya chimari ati naawe Kirisito, Omwana wa Nyamuwanga, unu eenderwe aaje ku‑chaaro kunu.”

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 8:12

Nawe omwanya gunu Firipo ꞉aabharaasisiisye Emisango ja Ekisi inguru ya obhukama bhwa Nyamuwanga, na inguru ya risiina rya Yeesu Kirisito, abhaanu nibheekirisya emisango jaaye, niwo abharume na abhagasi nibhabhatiijibhwa.

Ebikorwa 8:21

Awe utari na choonechoone ku‑mirimu ja Nyamuwanga jinu, kwa okubha omwoyo gwawo guteemire mu‑meeso gaaye.

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

Barumi 10:10

Omuunu akeekirisya Yeesu Kirisito kwa omwoyo gwaye, kaabharwa okubha omurengeresi imbere ya Nyamuwanga. Aakatogora eriikirisya ryaye kwa omunwa gwaye, kaachungurwa.

1 Bakorinto 12:3

Kutyo, enibhabhwira ati omuunu woonewoone unu kaatangasibhwa na Mwoyo wa Nyamuwanga atakutura okwayika ati, “Yeesu eeyiimwe.” Ka wone omuunu woonewoone atakutura okwayika ati, “Yeesu ni Raatabhugenyi,” araabha atakutangasibhwa na Mwoyo Mweru.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

1 Yoana 5:5

Atari‑wo omuunu unu kaatura okuyiga ebhibhiibhi tari unu keekirisya era ati, Yeesu ni Mwana wa Nyamuwanga.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.