Ebikorwa 7:60 - Indagano Inyaaya mu-Chijita

⁶⁰ Ejire eeya ˆneefukama, ˆnaarira kwa obhuraka obhunene ati, “Raatabhugenyi, waasiga okubhabharira echibhiibhi chinu!” Ejire aamara okwayika ejo, ˆnaafwa. Saawuri wone ꞉aarorere ati, echikorwa cha okwita Tefwano chaariga chiri cha ekisi.

INDAGANO INYA:YA

⁶⁰ Nafukama naragirisya na buraka bunene ati, Ratabugenyi, utaja:babarira ecikayo cinu. Wejire amara okwaika ebyo, naongera. Na Saulo one ariga e:kirisisye okwitwa kwae.

Ebikorwa 7:60 Referans Kwoze

Matayo 5:44

Nawe anye enibhabhwira ati, mwendega abhasoko bheemwe na musabhirwega bhoone bhanu abhabhanyaasya.

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

1 Bakorinto 15:20

Nawe woori, chimari enibhabhwira ati, Kirisito ˆnaasuuruka okusooka mu‑bhafuuwe, na omwene niwe wa okwamba okusuuruka ku‑bhanu bhafuuwe.

Ebikorwa 20:36

Pawuro ejire aamara okwayika emisango ejo, ˆneefukama aamwi nabho bhoone, ˆnaasabhwa Nyamuwanga.

Ebikorwa 9:40

Peetero ˆnaabhawurusya anja bhoone bhanu bhaariga bhari mu‑chisago omwo, ˆneefukama, ˆnaasabhwa Nyamuwanga. Niwo ˆnaayindukira omutumbi gurya, ˆnaayika ati, “Tabhiija, imereeguru!” Tabhiija ˆnaafumbura ameeso gaaye, ejire aarora Peetero, ˆneemuka ˆneenyanja.

Ruuka 6:28

Abhaanu bhanu abhabheeyiima, emwe mubhasabhirwega amabhando. Nyabhuriko abhaanu bhanu abhabhanyaasya, emwe mubhasabhirwega ku‑Nyamuwanga.

1 Bakorinto 15:18

Okukira ejo, bhoone bhanu ꞉bhaafuuwe bheekirisiisye Kirisito, bhasimagiiye chimwi.

Ebikorwa 21:5

Nawe omwanya gweswe gwa okubha‑wo gwejire gwawa, abheekirisya abho bhoone nibhachiyeregesya, abharume na abhagasi bheebhwe na abhaana bheebhwe, nibhachikingya ku‑njekekera ya inyanja. Awo nichiifukama bhoone, nichisabhwa Nyamuwanga.

Ebikorwa 13:36

“Okubha Dawudi ejire aakuumisya joone jinu Nyamuwanga aariga akarariiye okukora ku‑mwanya gwa riyimbo ryaye, ˆnaafwa, ˆnaamaama nyombe na bha esemwene, omubhiri gwaye nigubhora.

Ruuka 22:41

Niwo, ˆnaabhaawuka‑ko, ˆnaafogera imbere wuti kataafi ka omuunu okurasa ribhuyi. ˆNeefukama, ˆnaasabhwa Nyamuwanga ati,

1 Batesalonika 5:10

Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

1 Bakorinto 15:6

Ejire eeya, ˆnaasoromokera abheekirisya bhanu ꞉bhaambukire magana gataanu (500) ku‑bhumwi bhwebhwe. Abhaafu mu‑bheene noorwo woori bhachaari bhaanga, tari abhandi bhamaamire nyombe.

Matayo 27:52

Ebhituuro bhinu bhyariga bhisimbirwe ku‑mabhuyi okwo nibhiiguka na abheeru bhaafu bha Nyamuwanga nibhasuuruka.

1 Bakorinto 11:30

Eyo niyo isonga agati yeemwe bhari‑mo abhajorobhoke na abharwaye bhaafu, ka wone abhandi bhafuuwe.

1 Bakorinto 15:51

Mutegeresye, enibhabhwira imbisike ati, eswe chitarimaama nyombe bhoone, nawe bhoone chiriyindurwa.

Yowana 11:11

Yeesu ejire aamara okwayika emisango ejo, ˆnaagenderera okubhwira abheeyigisibhwa bhaaye ati, “Omusaani weeswe Rajaaro awongeeye, nawe enigenda okumurafya.”

2 Timoteo 4:16

Nejire neebhagira mw‑iramuriro omwanya gwa okwamba, ꞉nitaabhwene omuunu noorwo umwi unu ꞉eemereeguuyu orubhaara rwani, nawe bhoone ꞉bhaansigire. Enisabhwa Nyamuwanga abhafwire echigongo ku‑chikorwa echo cha okumbirima.

2 Petero 3:4

nibhaayikaga ati, “Kirisito ꞉aaragire ati, arisubha! Woori ari aaki? Okusookerera bhasaaja weeswe bhafwe, emisango joone jiri kutyokutyo rwa kutyo jaariga jiri ku‑bhwambiro bhwa echaaro!”