Ebikorwa 7:25 - Indagano Inyaaya mu-Chijita

²⁵ Muusa aariga ˆneetogera ati abhayiri bhaaye bhakamenyere ati, Nyamuwanga kaabhachungura kwa obhusakisi bhwaye, nawe ꞉bhataamenyere kutyo.

INDAGANO INYA:YA

²⁵ Ne:togera ati, abairi bae abajo:kusombokerwa ati, Nyamuanga kajo:kubayana omweruro mu maboko gae. Nawe batasombokeywe.

Ebikorwa 7:25 Referans Kwoze

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

Barumi 15:18

Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora.

Ebikorwa 21:19

Pawuro ˆnaabhakeesya, ˆnaabhabhwira emisango joone jinu Nyamuwanga ꞉aakorere ku‑bhaanu bhanu bhatari Bhayawudi okuruubhana na obhukosi bhwaye.

Ebikorwa 15:7

Bhunu bhaamarire omwanya omureera okwayikana nabho, Peetero ˆneemereeguru, ˆnaabhabhwira ati, “Emwe abhayiri bhaasu omumenya ati, siku nyafu jinu jiyitingʼeene Nyamuwanga ꞉aanyawuuwe agati yeemwe, korereki abhaanu bhanu bhatari Bhayawudi, bhabhwirwe Emisango ja Ekisi na okujiikirisya, okutura kw‑anye.

Ebikorwa 15:4

Pawuro na abheejaabho abho, omwanya gunu ꞉bhaakingire Yerusareemu, nibhakumwa kisi na jitumwa ja Yeesu, aamwi na abhakaruka na abheekirisya bha rikanisa. Pawuro na abheejaabho nibhabhabhwira joone jinu Nyamuwanga ꞉aakorere, okutura ku‑bheene.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ruuka 18:34

Emisango jinu Yeesu ꞉aabhabhwiriiye, ꞉bhataajisombookeeywe wuri noorwo na akatyari, kwa okubha obhugajuro bhwajo bhwariga bhwiserekere. ꞉Bhataasombookeeywe ati obhugajuro bhwajo ki.

Ruuka 9:45

Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.

Mariko 9:32

Abheeyigisibhwa bhaaye ꞉bhataasombookeeywe gunu aariga ˆnaayika, nawe nibhoobhaya okumubhuusya.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

Ebikorwa 7:24

ˆNaarora Omuyisirayeeri umwi ˆnaabhumwaga na Omumiisiri ataabha na echikayo. Awoawo ˆnaabhagira Omuyisirayeeri oyo, ˆnaasubhya orusiima kwa okwita Omumiisiri oyo.

Ebikorwa 7:26

Mwejo yende‑ko, ˆnaasongʼana Abhayisirayeeri bhabhiri nibharwanaga. ˆNaaregeeja okubhagwatanya, ˆnaabhabhwiraga ati, ‘Emwe muri bhamwi! Mbawo omuwutaasyanya?’