Ebikorwa 6:9 - Indagano Inyaaya mu-Chijita

⁹ Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

INDAGANO INYA:YA

⁹ Nawe nibe:muka aba:nu abandi aba mu rikofyanyisyo rinu ryatogwaga erya Balibertino, ne rya Bakurene, ne rya Balekisanderia, ne rya Bakilikiya ne rya Baasia, nibabambasyanya na Stefano.

Ebikorwa 6:9 Referans Kwoze

Ebikorwa 23:34

Omusiibha oyo, ˆnaasoma inyarubha irya, ˆnaabhabhuusya ati, ni omuunu wa omukoowa ki. Abheene nibhamusubhya ati, kaasooka mu‑mukoowa gwa Kiriikiya.

Ebikorwa 22:3

“Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

Ebikorwa 15:41

Nibhaja mu‑mikoowa ja Siiriya na Kiriikiya, nibhakomeesyaga abheekirisya.

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Bagalatia 1:21

Mbe, niniiya ningenda mu‑mukoowa gwa Siiriya na gwa Kiriikiya.

Ebikorwa 21:27

Siku etaanu na ebhiri ja okwiyesya, jejire jaarebherera okuwa, Abhayawudi bhanu ꞉bhaasookere mu‑mukoowa gwa Asiya, nibharora Pawuro mw‑Iyekaru. Nibhakungirisya abhaanu okukora injogere, niwo abhaanu abho nibhagwata Pawuro nibhaayikaga ati,

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 18:24

Mbe Omuyawudi umwi, omwibhurwa wa mu‑musi gwa Arekijandiriya risiina ryaye Apooro, ˆnaaja Yefeeso. Apooro oyo aariga ari muunu owa obhuturo bhunene bhwa okusimura na okusombookerwa kisi Ebhikaame Ebhyeru.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ruuka 21:12

“Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

Mariko 13:9

“Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

Matayo 10:17

Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.

1 Bakorinto 1:20

Woori bhari aaki bhanu echaayika ati bhari na obhwengeeso? Bhari aaki bhanu echaayika ati ni bheeyigisya bha ebhiraagiro bhya Muusa, noorwo abhamenyi bha okwayika kisi mu‑siku jinu? Nyamuwanga eeresya abhwerubhweru ati obhwengeeso bhwa echaaro chinu ni bhumuumu.

Ebikorwa 26:11

Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

Ebikorwa 22:19

Ninsubhya ati, ‘Nawe Raatabhugenyi awe, abhaanu bhanu abhamenya ati, naaturaga mu‑nju ja ameekofyanyo ga Abhayawudi okugwata bhanu abhakwikirisya! Bhoone bhanu naabhuganaga nabho, naabhatuuraga mw‑ibhoyero na okubhabhuma kubhiibhi.

Ebikorwa 21:39

Pawuro ˆnaamusubhya ati, “Wuri, anye niri Muyawudi, omwibhurwa wa mu‑musi gwa Taariso, mu‑mukoowa gwa Kiriikiya. Omusi ogwo gumenyekeene muno. Enikwirembeeresya unyikirisisye naayike na abhaanu bhanu.”

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Matayo 23:34

“Ringira, nikwo okukora, enibhatumira abharagi bha Nyamuwanga, abhaanu bhanu abhasombookerwa kisi Ebhikaame Ebhyeru, na abheeyigisya bha ebhiraagiro bhya Nyamuwanga. Nawe abhaanu abharebhe ku‑bheene, muribheeta na okubhabhamba ku‑musarabha. Abhandi muribhabhuma na jijaridi mu‑nju ja ameekofyanyo geemwe, na abhandi muribharuubhirira mu‑bhuri musi na okubhanyaasya.

Ebikorwa 6:10

nawe aabhayigaga kwa okwayika emisango ja obhwengeeso kwa obhuturo bhwa Mwoyo Mweru.

Ebikorwa 24:18

Ejo nijo naakoraga omwanya gunu ꞉bhaansongʼeene mw‑Iyekaru. Naariga naakorere obhutinge bhwa idiini bhwa okwiyesya. Naariga nitari na echise, noorwo yaariga itari‑wo injogere. Nawe bhaariga bhari‑wo na Abhayawudi abharebhe okusooka Asiya.