Ebikorwa 6:4 - Indagano Inyaaya mu-Chijita

⁴ korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

INDAGANO INYA:YA

⁴ Nawe eswe cirakome:raga mu kusabwa, no kufurubenda omusango gwa Nyamuanga.

Ebikorwa 6:4 Referans Kwoze

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

Bakolosai 2:1

Eneenda mumenye kutyo enirwanirira emirimu jinu inguru yeemwe, inguru ya abhaanu bha mu‑musi gwa Rawodeekiya na inguru ya abhaanu abhandi bhoone bhanu nichaariga okubhugana nabho.

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

1 Bakorinto 9:16

Anye niteeyire okwikuuya ku‑songa ya okuraasya Emisango ja Ekisi, okubha ni bhusibhusi kw‑anye okuraasya omusango ogwo. Ka wone jirimbona araabha nitakuraasya Emisango ja Ekisi ejo.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Ruuka 1:23

Jisiku jaaye ja obhukosi mw‑Iyekaru jejire jaawa, ˆnaasubha iika.