Ebikorwa 5:32 - Indagano Inyaaya mu-Chijita

³² Eswe chiri bhabhambaasi bha ejo joone, aamwi na Mwoyo Mweru, unu Nyamuwanga ayaaye bhanu abhamugayuka.”

INDAGANO INYA:YA

³² Eswe neswe abo kwimako ku misango jinu aamwi no Mwoyo Mweru unu Nyamuanga abayae banu abamungwa.

Ebikorwa 5:32 Referans Kwoze

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

Ebikorwa 13:31

Na ku‑siku nyafu, Yeesu ˆneebhuurisya ku‑bhaanu bhanu bhaariga nibharibhata aamwi nage okusooka Gariraaya, na okuja Yerusareemu. Woori, abho nibho abhabhambaasi bhaaye ku‑bhaanu.

Ebikorwa 5:29

Peetero na jitumwa jeejaabho nibhabhasubhya ati, “Jiiyire chigayuke Nyamuwanga era, okukira abhaanu!

Ebikorwa 15:28

Okubha jaakondera Mwoyo Mweru aamwi na eswe ati, chisige okubhatwika omugugu ogundi tari ebhiraagiro bhya bhusibhusi bhinu.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

2 Bakorinto 13:1

Runu oruja okubha rwa kasatu anye okuuja kw‑imwe eyo. Jikaamirwe mu‑Bhikaame Ebhyeru ati, “Bhuri chikayo, chiramurwe kwa obhubhambaasi bhwa abhaanu bhabhiri amwi bhasatu.”

Ebikorwa 10:44

Omwanya gunu Peetero aariga achaayika emisango ejo, bhoone bhanu bhaariga nibhategeresya, Mwoyo Mweru ˆnaabheekira.

Ebikorwa 2:32

Yeesu oyo, Nyamuwanga ꞉aamusuuruuye okusooka mu‑bhafuuwe, eswe bhoone chiri abhabhambaasi bha omusango ogwo.

Barumi 8:16

Mwoyo oyo omwene kaakomeeresya mu‑myoyo jeeswe ati, chiri bhaana bha Nyamuwanga.