Ebikorwa 5:16 - Indagano Inyaaya mu-Chijita

¹⁶ Abhaanu bhaafu bhaajaga okusooka mu‑misi ja ku‑mbarimbari ya Yerusareemu, nibhareetaga abharwaye bheebhwe na bhanu bhaanyaasibhwaga na amasambwa. Bhoone, ꞉bhaawosiibhwe.

INDAGANO INYA:YA

¹⁶ Ke bise nibiso:ka mu misi jinu jisingiye Yerusalemi, nibe:kofyanya nibare:ta abarwae, na banu banya:sibwaga emisambwa emijabi. Mbaosibwa bo:ne.

Ebikorwa 5:16 Referans Kwoze

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

Ebikorwa 4:30

Ramburura okubhoko kwawo okuwosya abhaanu, okukora ebhibharikisyo na ebhiruguusyo ku‑njira ya risiina rya Yeesu, omukosi waawo omweru!”

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Ruuka 9:11

Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.

Ruuka 5:17

Rusuku rumwi, omwanya gunu Yeesu aariga ˆneeyigisya abhaanu mu‑nju, Abhafarisaayo aamwi na abheeyigisya bha ebhiraagiro bhya Muusa wone bhaariga bhari‑mo bheenyanjirega. Bhaariga bheejire okusooka mu‑nguuyo joone ja Gariraaya na Yuudeya, noorwo abhandi bhaariga bhasookere mu‑musi gwa Yerusareemu. Yeesu aariga ari na obhuturo okusooka ku‑Raatabhugenyi Nyamuwanga, korereki awosye abharwaye.

Matayo 8:16

Yejire yaakinga keegoro, Yeesu ˆnaareterwa abhaanu bhaafu bhanu bhaariga bhawungirwe amasambwa. ˆNaasoosya amasambwa ago okusooka ku‑bhaanu mu‑kwayika omusango era. Ka wone, ˆnaawosya abharwaye bhoone.

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

1 Bakorinto 12:9

Mwoyo oyooyo kaayaana owundi echiyaanwa cha okubha na eriikirisya enene, owundi echiyaanwa cha okuwosya,

Matayo 2:16

Yeroode ejire aarora ati, abhasombookerwa bha jinjota bharya bhaamujiga, ˆnaabhiyirwa muno. Niwo ˆnaatuma abhasirikare bhaaye bhaje Bhetereyeemu aamwi na ku‑nguuyo ja yeeyi nagwo. ˆNaabharagirira ati, bheete abhaana bhoone bha echirume okwambira abha emiguuga ebhiri okusubha emwaro. ꞉Aakorere kutyo okwingana na omwanya gunu aariga abhwiriiywe na abhasombookerwa bha jinjota.

Ebikorwa 5:15

Okuruubhana na ebhiruguusyo bhya jitumwa, abhaanu bhaariga nibhasira abharwaye na okubhatuura ku‑mbarimbari ja ku‑njira. Ku‑njira okwo, nikwo bhaabhamaamyaga ku‑mararo na ku‑majambi, korereki omwanya gunu Peetero aakatura, rirengesi ryaye ribhakuunʼye‑ko, bhawore.

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Ruuka 6:18

Noorwo abhaanu bhanu bhaariga bhawungirwe na amasambwa, wone aariga ˆnaabhawosya.