Ebikorwa 3:15 - Indagano Inyaaya mu-Chijita

¹⁵ Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

INDAGANO INYA:YA

¹⁵ Nimumwita Omusimuka wo Buanga oyo Nyamuanga asu:ruye mu bafu:ye, neswe riri bo kwimako ebyo.

Ebikorwa 3:15 Referans Kwoze

Ebikorwa 2:24

Nawe Nyamuwanga ˆnaamusoosya‑ko obhusungu obhururu bhwa orufu, kwa okumusuurura okusooka mu‑bhafuuwe, kwa okubha ꞉itaakaturikeene Yeesu agwatirirwe na amanaga ga orufu!

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Ebikorwa 2:32

Yeesu oyo, Nyamuwanga ꞉aamusuuruuye okusooka mu‑bhafuuwe, eswe bhoone chiri abhabhambaasi bha omusango ogwo.

Baeburania 2:10

Nyamuwanga niwe ꞉aabhumbire ebhiinu bhyone na okubhikora bhibhe kutyo bhiri. ꞉Jaamukondeeye areete abheekirisya bhaafu mw‑ikusyo ryaye, kurwa ejo ꞉aakuumisiisye Yeesu ku‑njira ya okunyaasibhwa, korereki abhe obhusimukwa bhwa obhuchungusi.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Yowana 10:28

Anye enijiyaana obhuwanga bhwa kajaanende koone, na jitaribhura wuri. Ka wone atari‑wo omuunu unu kaatura okujisaakura okusooka mu‑mabhoko gaani.

Baefeso 1:20

Amanaga ago, nigo Nyamuwanga ꞉aakoreeye emirimu omwanya gunu ꞉aasuuruuye Kirisito okusooka mu‑bhafuuwe, na okumwinyanja orubhaara rwaye rwa ebhuryo mu‑chaaro chinyatarorwa.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Ebikorwa 1:22

okusookerera omwanya gunu Yeesu ꞉aabhatiijiibhwe na Yowana okukingira orusuku runu ꞉aagegerwe okugenda mu‑rwire. Unu kaja okwawurwa, jiiyire asangire aamwi na eswe okubha omubhambaasi wa obhusuuruko bhwa Yeesu bhunu ꞉chaarorere.”

Ruuka 24:48

Emwe neemwe abhabhambaasi bha emisango ejo.

Ebikorwa 4:2

Abhakuru abho ꞉bhaabhiyiiywe muno, kwa okubha Peetero na Yowana bhaariga nibheeyigisya abhaanu na okuraasya ati, Nyamuwanga arisuurura abhafuuwe, okuruubhana na okusuuruka kwa Yeesu.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.