Ebikorwa 28:23 - Indagano Inyaaya mu-Chijita

²³ Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

INDAGANO INYA:YA

²³ Nibaragana nage orusiku. Mbe nibamu:jako ba:fu mu nyumba inu ariga e:kaemo. Nabatondera na:ika kisikisi ebyo bukama bwa Nyamuanga, nabatongerera mu bya Yesu kutyo byandikirwe mu biragiro bya Musa na mu baragi, kuso:kerera katondo ŋwaa ke:goro.

Ebikorwa 28:23 Referans Kwoze

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 18:28

Okubha Apooro, ꞉aayigire Abhayawudi abhwerubhweru, aabheeresyaga kwa Ebhikaame Ebhyeru ati Yeesu niwe Kirisito.

Ebikorwa 26:6

Woori niri anu okuramurwa kwa ebhiraagiro, inguru ya obhwiyikanyo bhwani ku‑murago gunu Nyamuwanga ꞉aaragire bhasaaja weeswe.

Ebikorwa 8:35

Firipo ˆnaamba na emisango ejo ja Ebhikaame Ebhyeru, ˆnaamubhwiraga Emisango ja Ekisi inguru ya Yeesu.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Filemoni 1:2

Echikeesya na Afiya, omuyara waasu mu‑riikirisya na Arikipo, omurwani weejaasu wa riremo rya echinyamwoyo, aamwi na abheekirisya bhanu abheekumanyaga mu‑nju yaawo.

Mariko 4:34

Gutari‑wo gwonegwone gunu ꞉eeyigisiisye atasoosiisye echijekekanyo wuri. Nawe, omwanya gunu aasigaraga eenyere na abheeyigisibhwa bhaaye, aabhasombooreraga joone.

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Ebikorwa 1:3

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Filemoni 1:22

Aamwi na ejo, unyiraabhire orubhaara orwa okwikara, kwa okubha eniiyikanya ati, mu‑kusabhwa kwemwe, Nyamuwanga arinsakira niije kw‑imwe.