Ebikorwa 27:20 - Indagano Inyaaya mu-Chijita

²⁰ Nijitura siku nyafu risuubha na jinjota ꞉bhitaabhonekeene, inyanja niigenderera okusaruuma muno. Niikora chiiganirisye ati ni bhusibhusi chitakwiwura omurembe.

INDAGANO INYA:YA

²⁰ Nawe risu:ba na jinjota anu bitabonekaga mu mwanya gwa siku nyafu, mbe okwiikanya kwone kwo kukira kweswe nikuwao.

Ebikorwa 27:20 Referans Kwoze

Matayo 24:29

“Mbe, omwanya gwa jisiku ja ebhinyaasyo ogwo guritura, risuubha ririturwa‑ko echisuute, okwesi kutarisoosya obhweru rindi na jinjota jirigwa okusooka mu‑rutumba. Amanaga ago goone ga mu‑rutumba garisingisibhwa.

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

2 Bakorinto 11:25

꞉Naabhumirwe jisimbo na Abharuumi kwiya kasatu, ꞉naabhumirwe rumwi kwa amabhuyi, ꞉naatikiiywe ingarabha mu‑nyanja kwiya kasatu, nibhucha, ndigwa niri mu‑bhusibha.

Ebikorwa 27:19

Orusuku rwa kasatu bhwejire bhwacha, nibhasoosya‑mo ebhiinu bhya okukorera emirimu mu‑ngarabha, nibhabhyesa mu‑nyanja kwa amabhoko geebhwe abheene.

Ebikorwa 27:21

Gwejire gwatura omwanya omureera bhachaari okurya ebhiryo, Pawuro ˆneemereeguru agati yeebhwe, ˆnaabhabhwira ati, “Bhamura, ku‑mwanya gurya chiri Kireete ꞉naabhabhwiriiye ati chisige okusooka‑wo, jaariga jiiyire muntegeresye. Mukantegeresiisye, ebhiinu bhyemwe bhitakasingaarikire noorwo okufwirwa‑mo kutya.