Ebikorwa 27:1 - Indagano Inyaaya mu-Chijita

¹ Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

INDAGANO INYA:YA

¹ Mbe wejire batema eci:na ati, cieme amatanga okuja Italia, nibatu:ra Paulo na baboywa abandi ku mukuru wa basirikare rigana, risi:na ryae Julio, wa rise:mu:ta rya Augusito.

Ebikorwa 27:1 Referans Kwoze

Ebikorwa 25:25

“Nawe anye ꞉naarorere ati, atakorere choonechoone cha okwiya indamu ya orufu. ˆNaasabhwa ati Kayisaari niwe ategeresye echiina chaaye, kurwa ejo nindamura okumusira eyo.

Ebikorwa 25:12

Mbe, Feesito ˆnaayikana na abhaanu bha ribharaja ryaye, ejire aamara, ˆnaasubhya Pawuro ati, “Waasabhwa echiina yaawo chiramurwe na Kayisaari, ambe owuja okusirwa ku‑Kayisaari.”

Ebikorwa 10:1

Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”

Ebikorwa 27:11

Nawe omwangarisi wa abhasirikare oyo ꞉ateekirisiisye eja Pawuro ejo, tari ˆneekirisya emisango ja omugofi wa ingarabha na omwene ingarabha eyo.

Ebikorwa 18:2

Awo ˆnaabhugana na Omuyawudi, risiina ryaye aatogwaga Akiira, omwibhurwa wa mu‑mukoowa gwa Pooto. Akiira oyo aamwi na omugasi waaye Pirisiira, bhaariga bhasookere mu‑musi gwa Ruumi mu‑chaaro cha Yitaariya, kwa okubha Kayisaari Kirawudiyo aariga aragiriiye Abhayawudi bhoone bhabhirimibhwe mu‑musi ogwo. Pawuro ˆnaagenda okubharora,

Baeburania 13:24

Mukeesye abhatangasya bheemwe bhoone na abheekirisya bhoone bhanu bhari eyo. Abheekirisya okusooka mu‑chaaro cha Yitaariya abhabhakeesya.

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.

Ebikorwa 27:43

Nawe omwangarisi weebhwe aariga atakwenda Pawuro eetwe, ˆnaabhagaanya. ˆNaaragirira ati bhanu abhamenya okuwuga bheeyese mu‑manji, korereki bhaje ku‑chaaro.

Ebikorwa 27:6

Omwangarisi wa abhasirikare, ˆnaasongʼana awo ingarabha ya mu‑musi gwa Arekijandiriya inu yaariga niigenda mu‑chaaro cha Yitaariya, ˆnaachiriinyya omwo.

Ebikorwa 24:23

Niwo Feeriki ˆnaaragirira omwangarisi wa abhasirikare arinde Pawuro, nawe amuyaane obhwitaage na abhasaani bhaaye, bhabhe nibheekirisibhwa okumusakira mu‑bhukene bhwaye.

Ebikorwa 23:17

Niwo Pawuro ˆnaabhirikira omwangarisi umwi wa abhasirikare, ˆnaamubhwira ati, “Sira omusigaji unu ku‑mukuru weemwe, ari na omusango gwa okumubhwira.”

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 22:26

Omwangarisi oyo ejire oongwa ejo, ˆnaagenda okubhwira omukuru weebhwe ati, “Woori owuja okukora kutiki? Kasi, omuunu unu ni Muruumi!”

Ebikorwa 21:32

Awoawo, ˆnaagega abhasirikare aamwi na abhaangarisi bheebhwe, nibhabhirima okugenda ku‑bhaanu abho. Abhaanu abho bhejire bhaarora abhasirikare abho bhari aamwi na omukuru weebhwe oyo, nibhasiga okubhuma Pawuro.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ruuka 23:47

Ejire aamara okwayika kutyo, ˆnaafwa. Omwangarisi wa abhasirikare ejire aarora ejo, ˆnaakuuya Nyamuwanga ˆnaayikaga ati, “Chimari, omuunu unu aariga ari murengeresi imbere ya Nyamuwanga!”

Ruuka 7:2

Mu‑musi ogwo, aariga ari‑mo omwangarisi wa abhasirikare bha Echiruumi. Omwangarisi oyo, aariga ari na omugaya waaye amwenderega muno. Nawe omugaya oyo aariga arwaye, ari yeeyi okufwa.

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Ebikorwa 28:1

Chejire chaakinga ku‑chaaro chiri bhaanga, niwo nichimenya ati risinga rinu eritogwa ati, Meerita.