Ebikorwa 26:4 - Indagano Inyaaya mu-Chijita

⁴ “Abhayawudi bhoone abhamenya kisi obhurame bhwani, kutyo ꞉neekaaye okwambira ku‑bhurera bhwani mu‑chaaro chaani na Yerusareemu erya.

INDAGANO INYA:YA

⁴ Mbe Abayaudi bo:ne bamenyere jintungwa jani kuso:ka mu buto:to bwani, kutyo nambire okukoraga mu Yerusalemi mwiyanga ryasu.

Ebikorwa 26:4 Referans Kwoze

Bagalatia 1:13

Ni chimari ati mwonguuwe kutyo jitungwa jaani jaariga jiri mwanya gunu naariga nindwanirira idiini yaani ya Echiyawudi. Mumenyere wone kutyo ꞉naanyaasiisye muno rikanisa rya Nyamuwanga, keenu ninkenaga okurisingaarisya chimwi.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

Bafilipi 3:5

Anye ꞉naatenderwe ku‑rusuku rwa kataanu na kasatu nimarire okwibhurwa, enisooka mu‑ruganda rwa Bhenjamiini wa mw‑iyanga rya Yisirayeeri. Anye niri Muyebhuraniya wa echimari. Mu‑kukuumisya ebhiraagiro bhya Echiyawudi, anye ꞉naabhigayukire kisi, kwa okubha naariga niri Mufarisaayo.

Ebikorwa 22:3

“Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.