Ebikorwa 26:16 - Indagano Inyaaya mu-Chijita

¹⁶ Woori iimuka, wimereeguru! Okubha naakusoromokera korereki ubhe omukosi waani, usoosye obhubhambaasi ku‑jinu waarora reero na jirya nirikweresya.

INDAGANO INYA:YA

¹⁶ Nawe imuka wimereguru, okuba nikwo nakora ninkusoromokera korereki nikwaure ubega mukosi no wo kwimako ku binu warora, na kwibyo ndakusoromokeragamo.

Ebikorwa 26:16 Referans Kwoze

1 Timoteo 1:12

Enisiima Kirisito Yeesu Raatabhugenyi weeswe unu ꞉aanaaye amanaga okukora emirimu jaaye. Enimusiima kwa okubha andorere ati niiyire okubha omukosi waaye,

Bagalatia 1:12

Okubha ꞉nitaajiyaaywe na omuunu woonewoone, noorwo ꞉nitaajiyigisiibhwe na omuunu woonewoone. Nawe Yeesu Kirisito omwene niwe ꞉ajinsweruriiye.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Bakolosai 1:25

Nyamuwanga anteeye‑wo okubha omukosi wa rikanisa ryaye, korereki nibharaasisye emisango jaaye joone kutyo jiri.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

2 Bakorinto 5:18

Ejo joone ejisooka ku‑Nyamuwanga. Achigwatanyiisye ku‑mwene ku‑njira ya Kirisito. Eswe achiyaaye emirimu ja okuraasya inguru ya obhugwatanyi obhwo.

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Ebikorwa 22:10

Mbe nimmubhuusya ati, ‘Nikore kutiki, Raatabhugenyi?’ Raatabhugenyi ˆnaansubhya ati, ‘Imereeguru. Wingire Damaasiko. Omwo nimwo owuja okubhwirwa emisango joone jinu Nyamuwanga keenda ukore.’

Ebikorwa 21:19

Pawuro ˆnaabhakeesya, ˆnaabhabhwira emisango joone jinu Nyamuwanga ꞉aakorere ku‑bhaanu bhanu bhatari Bhayawudi okuruubhana na obhukosi bhwaye.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Ebikorwa 1:25

agege omugabho gwa obhukosi bhunu Yuuda ꞉aasigire, omwanya gunu ꞉aafuuwe na okugenda orubhaara runu rumwiyire.”

Ebikorwa 1:17

Ka wone, Yuuda aariga ari tumwa yeejaasu, ꞉aayaanirwe obhukosi bhunu aamwi na eswe.”

Ruuka 1:2

꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

Ebikorwa 26:15

“Niwo, nimubhuusya ati, ‘Raatabhugenyi awe, naawe ga?’ ˆNaansubhya ati, ‘Anye naanye Yeesu, unu awe owunnyaasya.

Baefeso 3:3

Rwa kutyo nikaamire kwa emisango emitooto ku‑bhwambiro bhwa inyarubha inu, Nyamuwanga omwene ꞉aasweruuye obhutinge bhwa imbisike yaaye kw‑anye.