Ebikorwa 25:8 - Indagano Inyaaya mu-Chijita

⁸ Niwo Pawuro ˆnaamba okwibhagira ˆnaayikaga ati, “꞉Nitaakorere chiinu choonechoone cha okunyamura ebhiraagiro bhya Abhayawudi, ꞉nitaakayire inguru ya Riyekaru noorwo inguru ya Kayisaari.”

INDAGANO INYA:YA

⁸ Nawe Paulo ne:bambarira ati, Nicariga kukaira ebiragiro bya Bayaudi, nakabee iri yekaru, nakabee ari Kaisari.

Ebikorwa 25:8 Referans Kwoze

Ebikorwa 28:17

Ejire aamara awo siku esatu, ˆnaabhirikira abhakuru bha Abhayawudi bheenda‑wo. Bhejire bheekumanya, ˆnaabhabhwira ati, “Emwe abhayiri bhaani, ꞉naagwatirwe Yerusareemu, nintuurwa mu‑mabhoko ga Abharuumi, noorwo kutyo ꞉nitaakorere omusango gwonegwone omubhiibhi ku‑bhaanu bheeswe amwi okuyabhya obhusimukwa bhwa bhasaaja weeswe.

Ebikorwa 24:12

Abhatangasya bha Abhayawudi ꞉bhataansangire nimbambasyanyaga na omuunu woonewoone mw‑Iyekaru, amwi ninkungirisyaga echise cha abhaanu mu‑nju jeebhwe ja ameekofyanyo noorwo orubhaara rwonerwone rwa omusi gurya.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Ebikorwa 28:21

Abhakuru bha Abhayawudi nibhamusubhya nibhaayikaga ati, “Eswe, chichaari okuramira inyarubha yooneyoone okusooka Yuudeya inguru yaawo. Ka wone atari‑wo woonewoone unu ꞉eejire anu okuchibhwira noorwo okwayika omusango omubhiibhi inguru yaawo.

Ebikorwa 25:10

Pawuro ˆnaamusubhya ati, “Anye enimereeguru imbere ya echitebhe cha indamu chinu chiteeywe‑wo na Kayisaari, na niwo anuanu niiyire niramurwe. Awe omwene umenyere ati, gutari‑wo omusango gunu nikayire ku‑Bhayawudi.

Ebikorwa 24:6

Ka wone ꞉aaregeejere okukora obhunyamuke kwa okwingisya omuunu unu atari Muyawudi mw‑Iyekaru, kurwa ejo nichimugwata. [꞉Cheendere okumuramura okuruubhana na ebhiraagiro bhyeswe.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.