Ebikorwa 24:17 - Indagano Inyaaya mu-Chijita

¹⁷ “Mbe, emiguuga ꞉jaaturire myafu ꞉niteejire Yerusareemu. Nejire neeya niniija korereki nireete obhusakisi ku‑Bhayawudi bheejaasu abhataka na okusoosya echitambwa ku‑Nyamuwanga.

INDAGANO INYA:YA

¹⁷ Mbe emyaka wejire jaturao myafu, nini:ja okure:tera aba rianga ryasu ebiyanwa ne byo kuso:sya.

Ebikorwa 24:17 Referans Kwoze

Bagalatia 2:10

Abhatangasya abho ꞉bhaachikomeeresiisye omusango gumwi ati, chibhe nichiichuka abhataka. Anye wone niikomeesiisye muno okukora omusango ogwo.

2 Bakorinto 9:12

Jiribha kutyo, kwa okubha omurimu gwa obhufura gunu omukora, gutakusakira abheekirisya bha Yerusareemu bhanu bhakeeyeeywe era, tari ogukora abhaanu bhaafu bhasiime Nyamuwanga muno.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Barumi 15:31

Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira.

Ebikorwa 20:16

Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

Ebikorwa 21:26

Mwejo yende‑ko, Pawuro ˆnaagenda na abhaanu bhana bharya, ˆneeyesya aamwi nabho. Neeya ˆneengira mw‑Iyekaru, korereki abhwire abhagabhisi na abheejaabho orusuku runu bharimara okwiyesya kwebhwe okwo na echoogo chinu echija okusoosibhwa inguru ya bhuri umwi weebhwe.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 24:26

Feeriki eeyikanyaga ati Pawuro akamuyaaye amasooya ga jipirya. Kurwa ejo, aamubhirikiraga okwiya kaafu na okwayika nage.

2 Bakorinto 8:6

Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.