Ebikorwa 24:16 - Indagano Inyaaya mu-Chijita

¹⁶ Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

INDAGANO INYA:YA

¹⁶ Eni:kome:sya mwibyo nibega no mutima gunu gutariko esoro imbere ya Nyamuanga na ba:nu siku jo:ne.

Ebikorwa 24:16 Referans Kwoze

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Barumi 2:15

Abheeresya kwa ebhikorwa bhyebhwe ati, jinu jeenderwe mu‑bhiraagiro, jikaamirwe mu‑myoyo jeebhwe. Noorwo emitima jeebhwe ejibheeresya eryo, na obhwiganirisya bhwebhwe omwanya ogundi obhubharamura, na omwanya ogundi obhubheeresya ati abhakora jinu jiiyire.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

Tiito 1:15

Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.

1 Bakorinto 4:4

kwa okubha nitakurora echikayo choonechoone mu‑mwoyo gwani. Nawe okwo kutari kwayika ati niri murengeresi. Raatabhugenyi Yeesu niwe kaandamura.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 2:19

Ni musango gwa kisi muno ku‑Nyamuwanga, mukeegumiirisya ebhinyaasyo bhinu bhitari bhya rirenga, bhinu omubhona inguru ya okumuyaana echibharo, omwene aribhayaana amabhando.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Timoteo 3:9

Tari, bhabhe abhaanu bhanu abhagwatana mu‑mutima gwa ekisi na echimari cha eriikirisya chinu Nyamuwanga asweruuye.

1 Timoteo 1:19

Ugwatirire eriikirisya na okubha na omutima gwa ekisi. Abhaanu abhandi abhagaya okukora emisango jinu abhamenya ati ni chimari, eryo rikorere nibhasiga okwikirisya Nyamuwanga.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.