Ebikorwa 23:35 - Indagano Inyaaya mu-Chijita

³⁵ Niwo ˆnaabhwira Pawuro ati, “Enija okutegeresya echiina chaawo, omwanya gunu abhasoko bhaawo bhaakakinga anu.” Neeya ˆnaaragirira ati Pawuro aangarirwe mw‑iyumba rya echikama rya Yeroode.

INDAGANO INYA:YA

³⁵ Na:ika ati, Nakakutegeresye byone, kabe baka:je banu abakubu:ra. Naragirira arindwe mwiromero rya Erode.

Ebikorwa 23:35 Referans Kwoze

Ebikorwa 23:30

Mbe, nejire naabhwirwa ati bhamuromeeye iniku, nikwo okukora naamutuma kw‑awe awoawo. Naabhwira abhasoko bhaaye wone bhaaje korereki bhaayike echiina cheebhwe cha okumusitaaka kw‑awe.”

Ebikorwa 25:16

Nimbasubhya ati, ‘Eswe Abharuumi chitakuramura omuunu achaari okuyaanwa omwanya gwa okwibhagira imbere ya bhanu abhamusitaaka.’

Matayo 27:27

Niwo abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi. Abhasirikare abhandi bhoone, nibheekumanya mw‑iyumba omwo, nibheeyinda Yeesu.

Ebikorwa 24:22

Mbe Feeriki unu aariga ˆnaasombookerwa kisi emisango ja Injira ya Yeesu, ˆnaaraga riromero rirya ˆnaabhabhwira ati, “Omwanya gunu Riisiya omukuru wa abhasirikare ariija enu, niwo nirisoosya indamu inguru ya echiina cheemwe.”

Ebikorwa 24:19

Abho wone bheenderwe bhabhe‑wo anu korereki bhansitaake ku‑musango gwonegwone gunu bhari nagwo kw‑anye.

Ebikorwa 24:10

Niwo omusiibha Feeriki ˆnaawungisya Pawuro okubhoko korereki eebhagire. Pawuro ˆnaayika ati, “Omusiibha Feeriki, enimenya ati ubheeye omuramusi mw‑iyanga munu kwa emiguuga myafu, kurwa ejo, eniibhagira imbere yaawo kwa rikonderwa.

Ebikorwa 24:1

Jejire jaatura siku etaanu, omugabhisi omukuru Ananiiya, ˆnaatebhera okusooka Yerusareemu okuja mu‑musi gwa Kayisaariya, ari aamwi na abhakuru abharebhe bha Abhayawudi. Aariga ari‑wo na omubhagisi wa ebhiraagiro unu aatogwaga Teerituro. Abho bhoone ꞉bhaagendere okusitaaka Pawuro ku‑musiibha Feeriki.

Yowana 18:28

Mbe bhwejire bhwacha, abhatangasya bha Abhayawudi nibhagega Yeesu okusooka ku‑Kayaafa. Nibhagenda nage mw‑iyumba rya omutungi wa Echiruumi. Nawe abheene ꞉bhateengiiye‑mo, korereki bhaasiga okwijabhiyasya nibhataamibhwa okurya ebhiryo bhya ichikukuru ya Okwambuka.

Matayo 2:16

Yeroode ejire aarora ati, abhasombookerwa bha jinjota bharya bhaamujiga, ˆnaabhiyirwa muno. Niwo ˆnaatuma abhasirikare bhaaye bhaje Bhetereyeemu aamwi na ku‑nguuyo ja yeeyi nagwo. ˆNaabharagirira ati, bheete abhaana bhoone bha echirume okwambira abha emiguuga ebhiri okusubha emwaro. ꞉Aakorere kutyo okwingana na omwanya gunu aariga abhwiriiywe na abhasombookerwa bha jinjota.

Matayo 2:3

Omukama Yeroode ejire oongwa emisango jeebhwe, ˆnaayaya muno. Noorwo abhaanu bhoone bha Yerusareemu, wone nibhayaya.

Matayo 2:1

Yeesu ꞉eebhuriiywe mu‑musi gwa Bhetereyeemu mu‑mukoowa gwa Yuudeya, omwanya gwa obhutungi bhwa omukama Yeroode. Mbe, ku‑mwanya ogwo, nigwo abhasombookerwa bha jinjota okusooka ebhuwuruka esuubha, ꞉bhaakingire mu‑musi gwa Yerusareemu. Bhejire bhaakinga omwo, nibhabhuusya abhaanu ati,

Ebikorwa 24:23

Niwo Feeriki ˆnaaragirira omwangarisi wa abhasirikare arinde Pawuro, nawe amuyaane obhwitaage na abhasaani bhaaye, bhabhe nibheekirisibhwa okumusakira mu‑bhukene bhwaye.