Ebikorwa 23:15 - Indagano Inyaaya mu-Chijita

¹⁵ Mbe woori, emwe aamwi na abhakuru bheejaanyu mw‑ibharaja ryemwe, omukenwa musabhwe omukuru wa abhasirikare korereki areete Pawuro kw‑imwe. Mwikore wuti omwenda okumubhuusirisya kisikisi inguru ya emisango jaaye. Eswe chiimaririiye okumwita achaari okukinga anu.”

INDAGANO INYA:YA

¹⁵ Mbe wori emwe na be ci:na jemubwire Omukuru wa basirikare amutebesye aje kwimwe muri ati omwenda kumubu:sirisya ebyae kisikisi. Neswe eciba cimaririye okumwita acari kufugera.

Ebikorwa 23:15 Referans Kwoze

Ebikorwa 22:30

Omukuru wa abhasirikare oyo eendaga okumenya bhuri chiinu chinu echikora Abhayawudi abho bhasitaake Pawuro. Mbe, bhwejire bhwacha, ˆnaamwigurira, ˆnaaragirira ati, abhakuru bha abhagabhisi bheekumanye aamwi na abhakuru abheejaabho bhoone bha ribharaja rikuru rya Abhayawudi. Bhejire bhaamara okwikofyanya, ˆnaareeta Pawuro na okumwimereegusyu agati yeebhwe.

Ebikorwa 25:3

Nibhamwirembeeresya ati abhasakire, abhasubhisye Pawuro Yerusareemu awo, omwanya ogwo bhari na iniku ya okwita Pawuro mu‑njira.

Yowana 18:12

Mbe, omukuru wa abhasirikare bha Echiruumi, aamwi na echise chaaye cha abhasirikare, na abhasirikare bharya okusooka ku‑bhatangasya bha Abhayawudi, nibhagwata Yeesu, nibhamubhoya.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”