Ebikorwa 23:11 - Indagano Inyaaya mu-Chijita

¹¹ Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

INDAGANO INYA:YA

¹¹ Mbe mu ngeta eyo Ratabugenyi namwimereguruko na:ika ati, Simbi:ra Omwoyo, Paulo, okuba rwa kutyo wanyimireko mu Yerusalemi, nikwo kutyo kukwiire okunyimako mu Rumi one.

Ebikorwa 23:11 Referans Kwoze

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 18:9

Rusuku rumwi mu‑ngeta Raatabhugenyi ˆnaabhwira Pawuro mu‑bhiroro ati, “Siga okuubhaya, genderera okuraasya, siga okujibhira.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

Matayo 14:27

Awoawo, Yeesu ˆnaabhabhwira ati, “Musiiriike, musige okuubhaya! Naanye.”

Bafilipi 1:13

Abhariisi bhoone bha mw‑iyumba rya obhutungi anu, aamwi na abhandi bhoone, bhamenyere ati nibhoyerwe ku‑songa ya okukora emirimu ja Kirisito.

Matayo 9:2

Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

Ebikorwa 22:18

Mu‑bhiroro ebhyo, ꞉naarorere Raatabhugenyi Yeesu ˆnaambwiraga ati, ‘Sooka Yerusareemu bhwangubhwangu! Okubha abhaanu bha mu‑musi munu bhatakuja okwikirisya obhubhambaasi bhunu owuja okusoosya inguru yaani.’

Ebikorwa 20:22

“Woori, Mwoyo Mweru kaansinyiirisya ati, nigende Yerusareemu. Enigenda, nitakumenya jinu ejija okumbona eyo.

Ebikorwa 2:25

Okubha Dawudi ꞉aayikire kutya inguru ya Yeesu, ‘Naarora Raatabhugenyi ari aamwi na anye siku joone, kwa okubha ari rubhaara rwani rwa ebhuryo, korereki nisige okusingisibhwa.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 14:18

“Nitaribhasiga abheene rwa bhanu bhafwiriiywe abheebhusi bheebhwe, tari niriija rindi kw‑imwe.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Ebikorwa 22:15

Okubha uribha omubhambaasi waaye, ku‑bhaanu bhoone, ku‑jinu ꞉waarorere na okuungwa.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?