Ebikorwa 23:1 - Indagano Inyaaya mu-Chijita

¹ Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

INDAGANO INYA:YA

¹ Paulo nabarore:rera nekeneke abe ci:na, na:ika ati, Bamura ba:su, anye eni:rengereraga no mutima gwone ogwe kisi imbere ya Nyamuanga kukinga na rero kutya.

Ebikorwa 23:1 Referans Kwoze

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

1 Bakorinto 4:4

kwa okubha nitakurora echikayo choonechoone mu‑mwoyo gwani. Nawe okwo kutari kwayika ati niri murengeresi. Raatabhugenyi Yeesu niwe kaandamura.

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

Ebikorwa 22:30

Omukuru wa abhasirikare oyo eendaga okumenya bhuri chiinu chinu echikora Abhayawudi abho bhasitaake Pawuro. Mbe, bhwejire bhwacha, ˆnaamwigurira, ˆnaaragirira ati, abhakuru bha abhagabhisi bheekumanye aamwi na abhakuru abheejaabho bhoone bha ribharaja rikuru rya Abhayawudi. Bhejire bhaamara okwikofyanya, ˆnaareeta Pawuro na okumwimereegusyu agati yeebhwe.

Ebikorwa 6:15

Abhaanu bhoone mw‑ibharaja rikuru awo, nibhamuringiraga Tefwano nekeneke, nibharora obhusu bhwaye nibhususana na obhusu bhwa maraayika.

Ebikorwa 22:1

Pawuro ˆnaayika ati, “Emwe bharaata na abhayiri bhaani bhoone, enibhasabhwa muntegeresye kisi omwanya gunu eniibhagira imbere yeemwe!”

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ebikorwa 23:15

Mbe woori, emwe aamwi na abhakuru bheejaanyu mw‑ibharaja ryemwe, omukenwa musabhwe omukuru wa abhasirikare korereki areete Pawuro kw‑imwe. Mwikore wuti omwenda okumubhuusirisya kisikisi inguru ya emisango jaaye. Eswe chiimaririiye okumwita achaari okukinga anu.”

Ebikorwa 23:20

Omusigaji oyo ˆnaamubhwira ati, “Abhayawudi bheekirisyanya bhakusabhwe usire Pawuro mw‑ibharaja ryebhwe rikuru mutondo. Abhaja okwikora wuti abheenda okumubhuusirisya kisikisi inguru ya echiina chaaye.

Ebikorwa 23:28

꞉Naakenere okumenya ati ni kurwa ki bhaariga nibhamusitaaka, kurwa ejo nimmusira imbere ya ribharaja rikuru rya Abhayawudi.