Ebikorwa 21:8 - Indagano Inyaaya mu-Chijita

⁸ Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

INDAGANO INYA:YA

⁸ Mwejo nici:muka nicikinga Kaisaria, nicingira mu nyumba ya Filipo, omusimusi wa Ebyobwana, niwe oumwi ku bariya abata:nu na babiri, niciba ewae.

Ebikorwa 21:8 Referans Kwoze

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.

Ebikorwa 16:13

Orusuku rwa Isabhaato nichigenda anja ya omusi ogwo, ku‑mbarimbari ya omusima, okubha cheeyikanyaga ati, awo niwo ꞉chaakabhwene wa okurombera. ꞉Cheenyanjire, nichiroma na abhagasi bhanu bhaariga bheekumanyiisye awo.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 9:30

Omwanya gunu abheekirisya abheejaabho ꞉bhaamenyere omusango ogwo, nibhamuyeregesya nibhamukingya mu‑musi gwa Kayisaariya, nibhamusiga agende mu‑musi gwa Taariso ewaabho.

Ebikorwa 28:11

Chejire chaamara ameesi gasatu chiri kw‑isinga okwo, nichiimuka na ingarabha imwi inu yaariga iri awo niirindaga omwanya gwa imbewo guture. Ingarabha eyo, yaariga iri ya mu‑musi gwa Arekijandiriya, ka wone yaariga iri na amasusano ga amasambwa amarongo Kaasita na Poorukusi.

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 23:23

Neeya omukuru urya ˆnaabhirikira abhaangarisi bhabhiri bha abhasirikare bhaaye, ˆnaabhabhwira ati, “Mwiraabhe abhasirikare magana gabhiri (200), abhasirikare makumi gataanu na gabhiri abha jifwaraasi na abhandi magana gabhiri (200) abha amachumu bhagende Kayisaariya saa esatu mu‑ngeta.

Ebikorwa 20:13

Pawuro ˆnaaribhata kwa maguru okugenda mu‑musi gwa Asoosi. Eswe nichigenda eyo na ingarabha, korereki chibhonane nage eyo, kwa okubha awo niwo ꞉cheekirisyanyiisye nage ati chirimugega.

Ebikorwa 20:6

Omwanya gunu ichikukuru ya emikaate jinu jitakutuurwa‑mo echifwimbya ꞉yaayitingʼeene, nichisooka mu‑musi gwa Firiipi na ingarabha. Nichiribhata siku etaanu okukingira nichikinga mu‑musi gwa Turoowa, awo niwo ꞉chaabhugeene na abheejaasu abho. ꞉Chaabheeye awo siku etaanu na ebhiri.

Ebikorwa 18:22

Mbe, ejire aakinga ˆnaasikirira mu‑musi gwa Kayisaariya, ˆnaagenda Yerusareemu, ˆnaakeesya abheekirisya, neeya ˆnaagenda mu‑musi gwa Atiyookiya.

Ebikorwa 16:16

Rusuku rumwi, omwanya gunu chaariga nichigenda anu abhaanu bhaariga nibhasabhwa Nyamuwanga, nichibhugana na omugayagasi. Omugayagasi oyo aariga ari na risambwa rinu ryariga nirimuyaana obhuturo bhwa okuragura. Okuruubhana na obhuragusi obhwo, abhaami bhaaye bhaariga nibhabhona omuriiro munene.

Ebikorwa 10:1

Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”

Ebikorwa 21:16

Abheeyigisibhwa abharebhe bha Kayisaariya awo, nibhachiyeregesya nibhachikingya mu‑nju ya Omunasooni, unu chaariga nichija okwikara nage. Omuunu oyo aariga ari wa kw‑isinga rya Kiipuro na aariga ari umwi wa abheekirisya bha okwambakwamba.