Ebikorwa 21:40 - Indagano Inyaaya mu-Chijita

⁴⁰ Niwo omukuru wa abhasirikare oyo ˆnaamwikirisisya. Kurwa ejo Pawuro ˆneemereeguru ku‑njegwe ejo, ˆnaawungisya abhaanu abho okubhoko ati bhajibhire. Bhejire bhaajibhira bhoone, ˆnaayika nabho mu‑nyaayika yeebhwe ya Echiyebhuraniya.

INDAGANO INYA:YA

⁴⁰ Wejire amwikirisya, Paulo nemereguru ku birinyiro, naungisya aba:nu no kuboko. Wejire aba:nu bajibira jibi, nasimura mu nyaika ye Cieburania, na:ika ati.

Ebikorwa 21:40 Referans Kwoze

Ebikorwa 12:17

Peetero ˆnaabhawungisya okubhoko bhajibhire, ˆnaabhatondera kutyo Raatabhugenyi Yeesu aamusoosya mw‑ibhoyero. Niwo ˆnaabhabhwira ati, “Emisango ejo, mubhwire Yakobho na abheekirisya abhandi.” Neeya Peetero ˆnaasooka awo, ˆnaagenda orubhaara orundi.

Ebikorwa 26:14

Eswe bhoone nichigwa aasi, anye ninuungwa obhuraka nibhumbirikira mu‑nyaayika yaasu ya Echiyebhuraniya ˆnaayika ati, ‘Saawuri awe! Saawuri awe! Ni kurwa ki owunnyaasya? Kukomeeye awe okubhara kw‑ichumu na okuguru kwawo!’

Ebikorwa 22:2

Abhaanu abho, bhejire bhoongwa Pawuro ˆnaayika mu‑nyaayika yeebhwe ya Echiyebhuraniya, nibhajibhira jibhijibhi. Wone ˆnaayika ati,

Yowana 5:2

Mu‑Yerusareemu omwo, ryariga riri‑wo rirango rinene rinu eritogwa ati, Rirango rya Jinaama. Ayeeyi na rirango eryo, ryariga riri‑wo ritanga rinene rinu risiina ryaryo mu‑nyaayika ya Echiyebhuraniya ni Bhetijaata. Ritanga eryo ryariga risingiiywe na amagaragariro gataanu ganu gaariga gagwatiriiywe na jingʼingi.

Ebikorwa 21:35

Pawuro, ejire aakinga ku‑njegwe ya mu‑runengo orwo, abhasirikare abho nibhamubhatura ingurunguru, korereki bhamuwonʼye ku‑songa ya injogere ya abhaanu bharya.

Ebikorwa 19:33

Abharebhe mu‑chise echo nibheetogera ati injogere yaariga iri inguru ya Arekijanda kwa okubha Abhayawudi, ꞉bhaamukuuriiye imbere ya abhaanu abho. Arekijanda aariga ari na omusango gwa okwayika. Niwo, ˆnaabhawungisya okubhoko ati bhajibhire, kwa okubha aariga ˆnaakena okureeta obhwibhagisi imbere yeebhwe.

Obhusweruro 16:16

Mbe, amasambwa ago, nigakumanya abhakama bhoone na bhasirikare bheebhwe orubhaara runu mu‑Chiyebhuraniya orutogwa ati, Arimagidooni.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”

Ebikorwa 13:16

Awo Pawuro ˆneemereeguru, ˆnaabhawungisya okubhoko korereki bhamutegeresye, ˆnaayika ati, “Emwe abhaanu bha Yisirayeeri, na emwe abhaanu bhanu mutari Bhayawudi bhanu omuramya Nyamuwanga, muntegeresye!

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Yowana 19:20

Emisango ejo ꞉jaakaamirwe mu‑nyaayika ya Echiyebhuraniya, Echiruumi na Echiyunaani. Abhayawudi bhaafu bhaariga nibhasoma emisango ejo, kwa okubha anu ꞉bhaamubhumiiriiye ku‑musarabha aariga ari yeeyi na Yerusareemu.

Yowana 19:17

ˆNaagega omusarabha gwaye omwene, ˆnaasooka mu‑musi, ˆnaagenda anu mu‑nyaayika ya Echiyebhuraniya kaatogwa ati Gorigoota, obhugajuro bhwagwo ni chiyanga cha omuunu.

Yowana 19:13

Piraato ejire oongwa emisango ejo, ˆnaawurusya Yeesu anja. Piraato omwene ˆnaagenda okwinyanja ku‑chitebhe cha indamu, anu bhaabhirikiraga ati, Omwariro gwa Amabhuyi. Mu‑Chiyebhuraniya kaabhirikirwa ati, Gabhata.

Ruuka 23:38

Nibhatuura akabhaawu ku‑musarabha gwa Yeesu inguru, kakaamirwe‑ko ati, “unu niwe omukama wa abhayawudi.”

Ebikorwa 1:19

Omusango ogwo nigumenyekana ku‑bheekasi bhoone bha Yerusareemu. Kurwa ejo nibhatoga risambu eryo risiina rya Akeeri Daama mu‑nyaayika yeebhwe, obhugajuro bhwaryo Risambu rya Isagama.