Ebikorwa 21:34 - Indagano Inyaaya mu-Chijita

³⁴ Awoawo abhaanu abho nibhaamba okumwayira inguru, bhuri umwi weebhwe ˆnaayikaga emisango jinu jitaasyanyiisye na ja oweejaabho. Okumwaya okwo nikukora omukuru oyo ˆnaataamibhwa okumenya jinu jaakorekana. ˆNaaragirira ati Pawuro areetwe mu‑runengo rwa obhutungi.

INDAGANO INYA:YA

³⁴ Abandi aba mu cise nibamwaisya inguru niba:ika abandi kutya, abandi kutya. Ejire atamibwa okusombo:kerwa kurwa inyombo, naragirira bamusire ku rusonjo.

Ebikorwa 21:34 Referans Kwoze

Ebikorwa 23:10

Injogere niigenderera okukanya, okukingira omukuru wa abhasirikare urya ˆnaayaya, ˆneetogera ati bhakatabhuuye Pawuro bhibhaarabhaara. Kurwa ejo, ˆnaaragirira abhasirikare bhagende bhamusoosye agatigati ya abhaanu bharya kwa amanaga na okumwingisya mu‑runengo rwa obhutungi.

Ebikorwa 19:32

Awo abhaanu nibhakora injogere muno. Abharebhe nibhajujuumira omusango gumwi, abhandi omusango ogundi. Abhaafu mu‑bheene ꞉bhataamenyere noorwo chinu ꞉chaakorere nibheekofyanya omwo.

Ebikorwa 23:16

Nawe omwiwa wa Pawuro, ˆnoongwa inguru ya iniku eyo. Kurwa ejo, ˆnaagenda mu‑runengo rwa obhutungi ˆnaamubhwira.

Ebikorwa 22:24

Omukuru wa abhasirikare oyo, ˆnaaragirira abhasirikare bhaaye ati bheengisye Pawuro mu‑runengo rwebhwe, bhamubhume na jijaridi korereki bhamenye chinu echikora abhaanu abho bhamuworoomere.

Ebikorwa 21:37

Omwanya gunu abhasirikare abho ꞉bhaarebhereeye okwingisya Pawuro mu‑runengo rwebhwe, Pawuro ˆnaabhwira omukuru weebhwe oyo ati, “Nyikirisisya nirome na awe.” Omukuru oyo ˆnaamusubhya ati, “Kasi owumenya okwayika Echiyunaani.

Ebikorwa 22:30

Omukuru wa abhasirikare oyo eendaga okumenya bhuri chiinu chinu echikora Abhayawudi abho bhasitaake Pawuro. Mbe, bhwejire bhwacha, ˆnaamwigurira, ˆnaaragirira ati, abhakuru bha abhagabhisi bheekumanye aamwi na abhakuru abheejaabho bhoone bha ribharaja rikuru rya Abhayawudi. Bhejire bhaamara okwikofyanya, ˆnaareeta Pawuro na okumwimereegusyu agati yeebhwe.

Ebikorwa 25:26

Aamwi na ejo, nitari na omusango gwa echimari inguru yaaye gwa okukaamira Kayisaari. Niyo isonga naamureeta anu imbere yaawo omukama Agiriipa na emwe bhoone, korereki chikamara okumubhuusirisya, niwo nibhone omusango gwa okukaama inguru yaaye.

Ebikorwa 23:32

Bhwejire bhwacha, nibhasiga abhasirikare abha jifwaraasi, nibhagenderera na orugendo aamwi na Pawuro. Abhasirikare bhanu bhaaribhataga amaguru nibhasubha mu‑runengo rwa obhutungi.