Ebikorwa 21:27 - Indagano Inyaaya mu-Chijita

²⁷ Siku etaanu na ebhiri ja okwiyesya, jejire jaarebherera okuwa, Abhayawudi bhanu ꞉bhaasookere mu‑mukoowa gwa Asiya, nibharora Pawuro mw‑Iyekaru. Nibhakungirisya abhaanu okukora injogere, niwo abhaanu abho nibhagwata Pawuro nibhaayikaga ati,

INDAGANO INYA:YA

²⁷ Mbe siku ita:nu ne:biri jejire jaja okwiya, Abayaudi banu baso:kere mu Asia, nibamusanga mu yekaru, nibasoeresya ecise co:ne, nibamugwata na maboko.

Ebikorwa 21:27 Referans Kwoze

Ebikorwa 26:21

Ejo nijo ꞉jaakorere Abhayawudi nibhangwata omwanya gunu ꞉bhaansongʼeene mw‑Iyekaru, nibharegeeja okunyita.

Ebikorwa 24:18

Ejo nijo naakoraga omwanya gunu ꞉bhaansongʼeene mw‑Iyekaru. Naariga naakorere obhutinge bhwa idiini bhwa okwiyesya. Naariga nitari na echise, noorwo yaariga itari‑wo injogere. Nawe bhaariga bhari‑wo na Abhayawudi abharebhe okusooka Asiya.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:5

Nibheeya Abhayawudi abharebhe na abhaanu bhanu bhatari Bhayawudi, aamwi na abhatungi bheebhwe, nibhakora echikwembe cha okukorera Pawuro na Bharinaabha kubhiibhi na okubhabhuma na amabhuyi.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 6:12

Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

Ebikorwa 4:3

Kurwa ejo, nibhagwata Peetero na Yowana, nibhabhatuura mw‑ibhoyero, okukingira mwejo yende‑ko, kwa okubha yaariga iri keegoro.

Ruuka 21:12

“Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

Ebikorwa 2:9

Agati yeeswe, bhari‑wo abhaanu okusooka mu‑bhyaro bhya Pariiti, Meedi na Eraamu. Bhari‑wo abhandi okusooka mu‑bhyaro bhya Mesopotaamiya, Yuudeya, Kapadookiya, Pooto, na Asiya,

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 20:19

Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

Ebikorwa 24:11

Awe omwene owutura okwikirisya ati, jichaari okusaaga siku ekumi na ebhiri okusookerera bhunu ꞉naagendere okuramya Nyamuwanga Yerusareemu erya.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!