Ebikorwa 20:4 - Indagano Inyaaya mu-Chijita

⁴ Ku‑rugendo runu, Pawuro ꞉aayeregesibhwe na Sopateeri omwana wa Piiro okusooka mu‑musi gwa Bherooya, aamwi na abhaanu bhabhiri, Arisitaariko na Sekundo okusooka mu‑musi gwa Tesaroonike, Gaayo okusooka mu‑musi gwa Deeribhe, Timoteewo, Tukiiko na Torofiimo okusooka mu‑mukoowa gwa Asiya.

INDAGANO INYA:YA

⁴ Na banu bagendere nage nibo banu, Sopateri wa Piro wende Beroya, na Arisitariko na Sekundo abende Tesalonika, na Gayo wende Deribe, na Timoteo, na Tukiko na Tirofimo abende Asia.

Ebikorwa 20:4 Referans Kwoze

Ebikorwa 19:29

Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

2 Timoteo 4:20

Erasito ꞉aasigaaye mu‑musi gwa Koriito. Torofiimo aariga arwaye, kurwa ejo ꞉naamusigire mu‑musi gwa Mireeto.

Baefeso 6:21

Tukiiko, omuyiri weeswe omwendwa na omukosi omwiyikanyibhwa ku‑Raatabhugenyi, aribhabhwira bhuri musango, korereki emwe wone mumenye kutyo niri na kutyo emirimu ejigenderera.

Tiito 3:12

Anye niramuuye okuja okwikara mu‑musi gwa Nikapoori erya, omwanya gwa imbewo. Nawe enija okutuma Aritema amwi Tukiiko kw‑awe. Owumwi weebhwe akakukinga‑ko eyo, wiikomeesye okunyiija‑ko bhwangu, korereki chibhugane.

2 Timoteo 4:12

Nawe ꞉naatumire Tukiiko mu‑musi gwa Yefeeso eyo.

Bakolosai 4:7

Omuyiri weeswe omwendwa Tukiiko ni mukosi omwiyikanyibhwa. Echikora emirimu ja Raatabhugenyi Yeesu aamwi nage. Omwene aribhabhwira emisango jaani joone.

Ebikorwa 21:29

꞉Bhaayikire kutyo, kwa okubha bhaariga bharorere Pawuro mu‑musi awo, ari aamwi na Torofiimo Omuyefeeso. Kwa okurema okumenya ꞉bheetogeeye ati eengisya Torofiimo mw‑Iyekaru.

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 14:6

Nawe jitumwa bhejire bhaamenya obhutinge obhwo, nibheerukira mu‑mukoowa gwa Rikawoniya, mu‑misi ja Risitura na Deeribhe na mu‑mbaara ja ayeeyi ja mu‑misi ejo.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

3 Yoana 1:1

Anye omukaruka waawo mu‑riikirisya, enikukaamira awe Gaayo omwendwa waani. Chimari nikwendere.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

2 Timoteo 1:2

Enikukaamira awe Timoteewo, omwana waani omwendwa. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

Bafilipi 2:19

Raatabhugenyi Yeesu aakeenda, eniiyikanya okutuma Timoteewo bhwangu kw‑imwe, korereki omwanya gunu arisubha, anye wone nifungʼamibhwe akantondera emisango jeemwe.

2 Bakorinto 1:19

Enaayika kutyo, kwa okubha Yeesu Kirisito, Omwana wa Nyamuwanga, unu anye, Sirwano, na Timoteewo ꞉chaamuraasiisye kw‑imwe, aariga atari muunu wa okwayika ati, “Cha,” neeya ˆnaayika ati, “Wuri.” Tari ku‑mwene oyo, omwanya gwone ni ati, “Cha.”

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

Barumi 16:23

Gaayo unu anye Pawuro niikaaye ewaaye, wone kaabhakeesya. Iika ewaaye niwo abheekirisya bhoone bha rikanisa rya endanu abheekofyanya. Ka wone, Erasito unu ari mubhiiki wa jipirya ja omusi gunu, kaabhakeesya. Ku‑bhuteero, omuyiri weeswe Kwarito kaabhakeesya. [

Barumi 16:21

Timoteewo, omukosi weejaasu, kaabhakeesya. Ka wone, Abhayawudi bheejaasu Ruukiyo, Yasooni na Sosipiita, abhabhakeesya.

Ebikorwa 27:2

Nichiriinya mu‑ngarabha imwi ya mu‑musi gwa Adiraamiti inu yaariga niigenda na okugobha ku‑bhigobhero bhya omukoowa gwa Asiya. Chejire chaamba orugendo rweswe, chaariga chiri aamwi na Arisitaariko, wa mu‑musi gwa Tesaroonike mu‑mukoowa gwa Makedooniya.

Ebikorwa 17:1

Pawuro na Siira nibhatura mu‑musi gwa Amufipoori na ogwa Aporooniya, nibhakinga mu‑musi gwa Tesaroonike. Awo yaariga iri‑wo inju ya eriikofyanyo rya Abhayawudi.

Ebikorwa 14:20

Nawe omwanya gunu abheeyigisibhwa ꞉bheekofyanyiisye na okumusingira, ˆneemuka, ˆnaasubha mu‑musi. Mwejo yende‑ko, ˆnaasooka awo, ˆnaagenda aamwi na Bharinaabha mu‑musi gwa Deeribhe.

Ebikorwa 2:9

Agati yeeswe, bhari‑wo abhaanu okusooka mu‑bhyaro bhya Pariiti, Meedi na Eraamu. Bhari‑wo abhandi okusooka mu‑bhyaro bhya Mesopotaamiya, Yuudeya, Kapadookiya, Pooto, na Asiya,

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 20:16

Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

Ebikorwa 20:18

Bhejire bhaamukinga‑ko, ˆnaabhabhwira ati, “Emwe abheene mumenyere kutyo ꞉neekaaye na emwe omwanya gwone, okusookerera orusuku rwa okwamba runu ꞉naakingire Asiya anu.