Ebikorwa 20:32 - Indagano Inyaaya mu-Chijita

³² “Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

INDAGANO INYA:YA

³² Na wori enibata ku Nyamuanga, na ku musango gwe cigongo cae, cinu ecitura okubombaka, no kubagabira omwandu aamwi na banu bo:ne abe:sibwa.

Ebikorwa 20:32 Referans Kwoze

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

Bakolosai 3:24

Mwichuke ati Raatabhugenyi unu omukorera emirimu niwe Kirisito ka omwene aribhayaana omwandu gunu ꞉aabharagire.

Baefeso 1:14

Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Baeburania 10:14

Mbe, kwa okubha Kirisito ꞉eesoosiisye okubha echoogo rumwi era, ꞉aakuumisiisye bhanu bhakorerwe okubha abhaanu bhaaye akajaanende koone.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Ebikorwa 14:26

Okusooka Ataariya awo nibhatura mu‑ngarabha, nibhasubha Atiyookiya ya Siiriya. Awo niwo abheekirisya ꞉bhaabhasabhiiywe obhwitiriranya bhwa Nyamuwanga ku‑murimu gunu bhaariga bhakuumisiisye.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

Yowana 15:3

Emwe mwakongoreeywe na okubha abheeru ku‑songa ya ameeyigisyo ganu naabheeyigisya.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

Ebikorwa 15:40

Pawuro ˆnaawura Siira, abheekirisya abheejaabho nibhabhasabhirwa bhabhe na obhwitiriranya bhwa Raatabhugenyi, niwo nibheemuka awo.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 6:10

abheefi, bha omuruuru, abhakorwa, abhasokanya, abhasaakusi, abho bhoone bhatariingira mu‑bhukama bhwa Nyamuwanga.