Ebikorwa 20:3 - Indagano Inyaaya mu-Chijita

³ ˆnaamara eyo ameesi gasatu. Niwo, ˆnaakora obhutinge bhwa okugenda mu‑mukoowa gwa Siiriya na ingarabha. Nawe ejire aamenya ati Abhayawudi bhaariga nibhamuromera iniku, ˆnaaramura okusubha, ˆnaatura mu‑mukoowa gwa Makedooniya.

INDAGANO INYA:YA

³ Wejire amarayo me:si gasatu, Abayaudi nibarwaja ina:ma okumugwata. Omwene ariga nenda okuunguka okuja Syamu, nawe neganirisya okuja:yo natura mu Makedonia.

Ebikorwa 20:3 Referans Kwoze

Ebikorwa 20:19

Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

Ebikorwa 25:3

Nibhamwirembeeresya ati abhasakire, abhasubhisye Pawuro Yerusareemu awo, omwanya ogwo bhari na iniku ya okwita Pawuro mu‑njira.

2 Bakorinto 7:5

Noorwo omwanya gunu ꞉chaakingire Makedooniya erya, ꞉chitaabhwene omwanya gwa okusiiriika wuri, kwa okubha chaariga chiri na ebhinyaasyo mbaara joone. Anja ryariga riri‑wo riremo, mu‑myoyo bhuri‑mo obhuubha.

Bagalatia 1:21

Mbe, niniiya ningenda mu‑mukoowa gwa Siiriya na gwa Kiriikiya.

2 Bakorinto 1:15

Naariga niri na obhwiyikanyo obhwo, nikwo okukora naariga nineenda okukinga kw‑imwe eyo okwamba, korereki mubhone ribhando rya okugosorerwa na anye orwa kabhiri.

Ebikorwa 21:3

Omwanya gunu ꞉chaarebhereeye risinga rya Kiipuro na okurirora, nichiritura orubhaara rwa ebhurimbe, nichirosya mu‑mukoowa gwa Siiriya. Chejire chaakinga mu‑mukoowa ogwo mu‑musi gwa Tiiro, nichiika mu‑ngarabha eyo, kwa okubha awo niwo yaariga niikenwa iisye emigugu.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 18:18

Pawuro ejire aabha Koriito kwa omwanya, ˆnaaragana na abheekirisya abheejaabho, ˆnaagenda mu‑musi gwa Keekereya, ˆnaamwega jifwiri jaaye kwa okubha aariga ateeye‑wo echirayiro. Neeya Pawuro, Pirisiira na Akiira, nibhatura mu‑nyanja bhari mu‑ngarabha nibhagendaga mu‑mukoowa gwa Siiriya.

Ebikorwa 16:9

Mu‑ngeta, Pawuro ˆnaarora ebhiroro. Mu‑bhiroro ebhyo, ꞉aarorere omuunu umwi wa mu‑mukoowa gwa Makedooniya eemereeguuyu, ˆnaamwirembeeresya, ˆnaayika ati, “Yaambuka, uuje Makedooniya enu, uchisakire.”

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 20:1

Injogere ya Yefeeso awo, yejire yaatemekera, Pawuro ˆnaabhirikira abheeyigisibhwa bheende‑wo. Ejire aamara okubhafungʼamya, ˆnaabharaga, ˆnaagenda mu‑mukoowa gwa Makedooniya.

Ebikorwa 20:2

꞉Aaturire mu‑chaaro echo, ˆnaabhwiraga abheekirisya emisango myafu ja okubhasimbiisya emitima jeebhwe. Niwo ku‑bhuteero ˆnaakinga Akaaya,