Ebikorwa 20:23 - Indagano Inyaaya mu-Chijita

²³ Enimenya ati, bhuri musi gunu enitura, Mwoyo Mweru kaanyeeresya ati, enija okweswa mw‑ibhoyero na enija okubhona jinyaako.

INDAGANO INYA:YA

²³ Tari rwa kutyo Mwoyo Mweru kambwira mu misi jo:ne ati, okuboywa no kunyasibwa kundindiriye.

Ebikorwa 20:23 Referans Kwoze

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

Ebikorwa 21:4

Nichiyenja abheeyigisibhwa bheende‑wo, nichibhabhona nichiikara nabho awo siku etaanu na ebhiri. Abheeyigisibhwa abho nibhatangasibhwaga na Mwoyo Mweru nibheerembeeresya Pawuro ati asige okugenda Yerusareemu.

Ebikorwa 21:33

Omukuru wa abhasirikare oyo, ˆnaafogera, ˆnaagwata Pawuro, ˆnaaragirira ati abhoywe na amaseega gabhiri. Neeya, ˆnaabhuusya eriikofyanyo rirya ati, “Unu niga? Ka aakora chiinu ki?”

Ebikorwa 21:11

Omuragi oyo ˆnaachiija‑ko, ˆnaagega omuchipi gwa Pawuro, ˆneebhoya amaguru na amabhoko, ˆnaayika ati, “Mwoyo Mweru kaayika ati, ‘Kutya, nikwo Abhayawudi bha Yerusareemu abhaja okubhoya mwene omuchipi gunu, na abhaja okumutuura mu‑mabhoko ga abhaanu bhanu bhatari Bhayawudi.’”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Ebikorwa 8:29

Mwoyo Mweru ˆnaabhwira Firipo ati, “Genda bhwangu ufogere kw‑ibhirigiti rirya, uruubhane naryo.”

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

1 Timoteo 4:1

Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.