Ebikorwa 20:19 - Indagano Inyaaya mu-Chijita

¹⁹ Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

INDAGANO INYA:YA

¹⁹ Nakoreraga Ratabugenyi mu kwikeya kwone, na masiga no kusakwa binu byambwene kurwo burigerige bwa Bayaudi.

Ebikorwa 20:19 Referans Kwoze

Bakolosai 3:24

Mwichuke ati Raatabhugenyi unu omukorera emirimu niwe Kirisito ka omwene aribhayaana omwandu gunu ꞉aabharagire.

2 Bakorinto 2:4

꞉Naabhakaamiiye inyarubha irya, mu‑bhusurumbaaye bhwafu, nindumwaga mu‑mwoyo gwani, keenu nindiraga amasiga mogomogo. Obhukarariiye bhwani, bhwariga bhutari ati musurumbare, tari naariga nineenda mumenye kutyo nibheendere muno.

Barumi 12:11

Mwasiga okurengaara mu‑kukora emirimu ja Nyamuwanga, tari Mwoyo Mweru abhasakire okugenderera okujikora kwa omwoyo gwone. Mukorere emirimu Raatabhugenyi Yeesu.

Ebikorwa 20:3

ˆnaamara eyo ameesi gasatu. Niwo, ˆnaakora obhutinge bhwa okugenda mu‑mukoowa gwa Siiriya na ingarabha. Nawe ejire aamenya ati Abhayawudi bhaariga nibhamuromera iniku, ˆnaaramura okusubha, ˆnaatura mu‑mukoowa gwa Makedooniya.

2 Bakorinto 7:5

Noorwo omwanya gunu ꞉chaakingire Makedooniya erya, ꞉chitaabhwene omwanya gwa okusiiriika wuri, kwa okubha chaariga chiri na ebhinyaasyo mbaara joone. Anja ryariga riri‑wo riremo, mu‑myoyo bhuri‑mo obhuubha.

Yakobo 1:2

Abhayiri bhaani mu‑riikirisya, mukonderwaga muno omwanya gunu omuregeejibhwa amaregeejo ga bhuri mbaga,

Bafilipi 3:18

Naabhabhwiriiye kwiya kaafu omusango gunu enikena okubhabhwira, woori enigwayika rindi enu nindira amasiga mogomogo. Bhari‑wo abhaanu bhanu obhurame bhwebhwe obhweresya ati, ni bhasoko bha obhuchungusi bhunu ꞉bhwakorerwe na Kirisito ku‑musarabha.

Baefeso 6:7

Mukorega emirimu jeemwe mu‑mutima gwa ekisi, nimukorera Raatabhugenyi bhatari bhaanu.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

2 Bakorinto 3:5

Jitari ati, echiiganirisya ati echitura okukora gwonegwone ku‑bhuturo bhweswe abheene, tari bhuturo bhweswe obhusooka ku‑Nyamuwanga.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

1 Petero 1:6

Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Ruuka 19:41

Yeesu ejire aarebherera okukinga Yerusareemu, ˆnaarora omusi ogwo, ˆnaamba okuguririra.

Obhusweruro 7:15

Nikwo okukora bhari imbere ya echitebhe cha ingʼoma cha Nyamuwanga. Abhamukorera emirimu mu‑ngeta na mu‑mwisi mw‑Iyekaru ryaye. Nyamuwanga omwene unu eenyanjire ku‑chitebhe cha ingʼoma, aribha aamwi nabho na okubharinda.

2 Timoteo 1:4

Eniichuka kutyo ꞉waaririre omwanya gunu ꞉chaarageene. Niri na obhwira muno okubhugana na awe rindi. Kurwa ejo, ukaaja okundora nirikonderwa muno.

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 21:27

Siku etaanu na ebhiri ja okwiyesya, jejire jaarebherera okuwa, Abhayawudi bhanu ꞉bhaasookere mu‑mukoowa gwa Asiya, nibharora Pawuro mw‑Iyekaru. Nibhakungirisya abhaanu okukora injogere, niwo abhaanu abho nibhagwata Pawuro nibhaayikaga ati,