Ebikorwa 2:43 - Indagano Inyaaya mu-Chijita

⁴³ Jitumwa ejo bhaariga nibhakora ebhiruguusyo na ebhibharikisyo bhyafu, okukingira abhaanu bhoone nibhayaya.

INDAGANO INYA:YA

⁴³ Obu:ba nibuba ku mwoyo gwa buri mu:nu. Ebirugu:ro byafu ne bibarikisyo nibiborwaga na jintumwa.

Ebikorwa 2:43 Referans Kwoze

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Ruuka 8:37

Abhaanu bhoone mu‑chaaro cha Abhageraasi awo, bhanu bhaariga bheekumanyiisye awo, nibheerembeeresya Yeesu muno asooke mu‑chaaro cheebhwe, kwa okubha bhaariga bhoobhayire muno. Kurwa ejo, ˆnaariinya mu‑ngama, korereki asooke awo.

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Ebikorwa 9:40

Peetero ˆnaabhawurusya anja bhoone bhanu bhaariga bhari mu‑chisago omwo, ˆneefukama, ˆnaasabhwa Nyamuwanga. Niwo ˆnaayindukira omutumbi gurya, ˆnaayika ati, “Tabhiija, imereeguru!” Tabhiija ˆnaafumbura ameeso gaaye, ejire aarora Peetero, ˆneemuka ˆneenyanja.

Ebikorwa 4:33

Jitumwa ja Yeesu bhaariga nibharaasisya abhaanu ku‑managa maafu, emisango ja okusuuruka kwa Raatabhugenyi Yeesu. Nyamuwanga aariga ˆnaabhayaana obhwitiriranya bhwaye.

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 5:5

Ananiiya ejire oongwa emisango ejo, awoawo ˆnaagwa aasi, ˆnaafwa. Abhaanu bhoone bhanu ꞉bhoonguuwe emisango ejo na okurora echikorwa echo ꞉bhoobhayire muno.