Ebikorwa 2:42 - Indagano Inyaaya mu-Chijita

⁴² Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

INDAGANO INYA:YA

⁴² Nibe:kome:sya mu kwiigisya kwa jintumwa na mu kusangira, na mu kubegana omukate, na mu kusabwa.

Ebikorwa 2:42 Referans Kwoze

Baeburania 10:25

Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

2 Timoteo 3:14

Nawe awe genderera okuruubhirisya jinu ꞉bhaakwiyigisiisye nuujiikirisya ati ni ja echimari. Okubha ubhamenyere kisi bhoone bhanu ꞉weeyigiiye‑ko.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

1 Bakorinto 10:21

Mutakutura okunywera omutawo gwa Raatabhugenyi na ogwa amasambwa. Mutakutura okusangira ebhiryo bhya Raatabhugenyi na ebhya amasambwa.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Baeburania 10:39

Mbe, eswe chitari rwa abhaanu bhanu abhasiga okuruubha Nyamuwanga, nibhasingaarika. Tari chiri aamwi na bhanu abhamwikirisya, nibhachunguka.

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

Ebikorwa 20:11

Katungu katooto okutura, Pawuro ˆnaariinya mu‑chisago cha mu‑nda echo, ˆnaagega omukaate ˆnaarya. ˆNaagenderera okwiyigisya muno okukingira anu bhwacheeye, ˆnaasooka‑wo.

1 Yoana 2:19

Abhaanu abho, bhaariga bhachiri‑ko, nawe mbachisoka‑ko, kwa okubha bhaariga bhatari na obhumwi bhwa echimari na eswe. Okubha, araabha bhakabheeye na obhumwi obhwo na eswe, bhaakasigaaye kw‑iswe. Nawe ꞉bhaachisookere‑ko, korereki bhaswerurwe abhweru ati bhaariga bhatari na obhumwi bhwa echimari na eswe.

Bagalatia 1:6

Anye enibharuguura muno! Ni mwanya mufuyi era gunu guturire, kasi omusiga Nyamuwanga unu ꞉aabhabhirikiiye mu‑bhwitiriranya bhwa Kirisito. Ka wone, omuruubha ameeyigisyo agandi ganu abhaanu abhandi abhagatoga ati ni Misango ja Ekisi.

Ebikorwa 4:23

Peetero na Yowana bhejire bheegurirwa, nibhasubha ku‑bheekirisya abheejaabho. Nibhasimura emisango joone jinu bhaabhwirwa na abhakuru bha abhagabhisi na abhakuru bha Abhayawudi.

Ruuka 24:35

Niwo abheeyigisibhwa abhabhiri abho, nibhatondera abheejaabho emisango jinu jaakorekana ku‑bheene ku‑njira na kutyo ꞉bhaamenyere Yeesu omwanya gunu ꞉aabheganyiisye omukaate.

Ruuka 24:30

Omwanya gunu ꞉bhaategere inenda okurya ebhiryo, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaabhayaana.

1 Bakorinto 14:6

Woori, abhayiri bhaani mu‑riikirisya, nikaaja kw‑imwe na okwayika jinyaayika jingenyi, omubhona omuriiro ki? Mutakubhona omuriiro gwonegwone. Nawe nikabhabhwira jinu Nyamuwanga answeruriiye, amwi nikabhayaana obhusombookerwa, nikasoosya obhuragi amwi nikeeyigisya, awo niwo omubhona omuriiro.

Bafilipi 1:5

kwa okubha musangiiye aamwi na anye mu‑kuraasya Emisango ja Ekisi, okwambira orusuku runu ꞉mweekirisiisye okukingira reero.