Ebikorwa 2:40 - Indagano Inyaaya mu-Chijita

⁴⁰ Peetero ꞉aagendereeye kwa omwanya mureera okubhwira abhaanu abho emisango myafu ja okubhakengya. ꞉Aabheerembeeresiisye ˆnaayikaga ati, “Muchungurwe na Nyamuwanga, mwasiga okuyaanwa indamu aamwi na abhaanu bha riyimbo rinu, bhanu bhari abhabhiibhi muno!”

INDAGANO INYA:YA

⁴⁰ Nabakomeresya mu misango ejindi myafu no kubakengya na:ika ati, Mwikisye mwiimbo rinu erikote.

Ebikorwa 2:40 Referans Kwoze

Bafilipi 2:15

Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

2 Bakorinto 6:17

Kurwa ejo, Raatabhugenyi wone ꞉aayikire ati, “Musooke agati yeebhwe, mwawukane nabho. Mwasiga okukuunʼya echiinu echijabhi, niwo anye niribharamira.”

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Matayo 16:4

Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era.” Niwo Yeesu ˆneemuka okusooka awo, ˆnaabhasiga.

Bagalatia 5:3

Enibhabhwira abhwerubhweru rindi ati, omurume woonewoone unu keekirisya okutendwa, kaakenwa okuruubha ebhiraagiro bhyone bhya Muusa.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Yowana 21:25

Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.

Ebikorwa 20:11

Katungu katooto okutura, Pawuro ˆnaariinya mu‑chisago cha mu‑nda echo, ˆnaagega omukaate ˆnaarya. ˆNaagenderera okwiyigisya muno okukingira anu bhwacheeye, ˆnaasooka‑wo.

Ebikorwa 20:9

Mw‑idirisya rya echisago echo aariga eenyanjire‑mo omusigaji umwi, risiina ryaye Ewutiko. Pawuro ꞉aagendereeye okuraasya kwa omwanya omureera, niwo Ewutiko, ˆnaamba okuwuunirira. Omwanya gunu aariga awongeeye, ˆnaayarambuka okusooka kw‑igorofwa rya kasatu, ˆneebhuma aasi! Abhaanu nibhagenda okumwimusya, nibhasongʼana aafuuwe.

Ebikorwa 20:2

꞉Aaturire mu‑chaaro echo, ˆnaabhwiraga abheekirisya emisango myafu ja okubhasimbiisya emitima jeebhwe. Niwo ku‑bhuteero ˆnaakinga Akaaya,

Ebikorwa 15:32

Yuuda oyo aamwi na Siira, bhoone bhaariga bhari abharagi. Mbe, nibhabhwira abheekirisya abheejaabho abho, emisango myafu ja okubhasimbiisya na okubhakomeesya.

Ebikorwa 10:42

ˆNaachiragirira okwiyigisya abhaanu Emisango ja Ekisi, na okusoosya obhubhambaasi ati omwene niwe ꞉aasorerwe na Nyamuwanga, aramure bhoone, abhaanga na abhafuuwe.

Matayo 12:34

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.