Ebikorwa 2:38 - Indagano Inyaaya mu-Chijita

³⁸ Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

INDAGANO INYA:YA

³⁸ Petero nababwira ati, Nimute, mubatijibwe buri mu:nu mwisi:na rya Yesu Kristo, korereki mwiswaririrwe ebibi:bi byemwe, omujo:kuyabwa eciyanwa co Mwoyo Mweru.

Ebikorwa 2:38 Referans Kwoze

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Ebikorwa 8:12

Nawe omwanya gunu Firipo ꞉aabharaasisiisye Emisango ja Ekisi inguru ya obhukama bhwa Nyamuwanga, na inguru ya risiina rya Yeesu Kirisito, abhaanu nibheekirisya emisango jaaye, niwo abharume na abhagasi nibhabhatiijibhwa.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

Ebikorwa 10:48

Niwo Peetero ˆnaaragirira ati, Koroneeriyo na abheejaabho bhabhatiijiibhwe na risiina rya Yeesu Kirisito. Ejo jejire jaawa, nibhasabhwa Peetero abhe nabho kwa siku nooto.

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Barumi 6:3

Mumenye ati, omwanya gunu ꞉chaabhatiijiibhwe, ꞉chaagwateene na Kirisito Yeesu mu‑kufwa kwaye.

Matayo 4:17

Ku‑mwanya ogwo, Yeesu ˆnaamba okuraasisya abhaanu ati, “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Ebikorwa 16:15

Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

Ebikorwa 8:20

Peetero ˆnaamusubhya ati, “Singaarika awe na jipirya jaawo, kwa okubha owitogera ati echiyaanwa cha Nyamuwanga echibhonekana kwa okugurwa na jipirya!

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Ruuka 3:10

Abhaanu bhanu bhaariga bheekumanyiisye ku‑ngego ya ku‑musima ogwo, nibhabhuusya Yowana ati, “Mbe, woori chikore kutiki?”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Ebikorwa 13:38

“Woori abhayiri bhaasu, eneenda muntegeresye kisi! Echibharaasisya ati, ku‑njira ya Yeesu Kirisito kuri‑wo okufwirwa echigongo ebhibhiibhi.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.