Ebikorwa 19:34 - Indagano Inyaaya mu-Chijita

³⁴ Nawe bhejire bhaamenya ati ni Muyawudi, awo bhoone nibhamwaya kwa obhuraka bhumwi wuti masaa gabhiri kutya nibhaayikaga ati, “Ariteemi wa Abhayefeeso niwe omukuru!”

INDAGANO INYA:YA

³⁴ Nawe wejire bamenya ati, ni Muyaudi, niba:ikirira inguru bo:ne na buraka bumwi nibamara mwanya gwa saa ebiri niba:ika ati, Aritemi wa Baefeso ni mukuru!

Ebikorwa 19:34 Referans Kwoze

Ebikorwa 19:28

Bhejire bhoongwa emisango ejo ja Demetiriiyo nibhagwatwa risungu. Nibhamwaya nibhaayikaga ati, “Ariteemi wa Abhayefeeso niwe omukuru!”

Obhusweruro 13:4

Nibharamya riyoka rirya, kwa okubha ꞉ryayaanire rityanyi eryo obhuturo bhwa okutunga. Abhaanu nibharamya wone rityanyi eryo, nibhaayikaga ati, “Atari‑wo omuunu owundi rwa rityanyi rinu! Ka wone, atari‑wo unu kaatura okurwana naryo!”

Ebikorwa 16:20

Nibhabhasitaaka ku‑bhatungi abho nibhaayikaga ati, “Abhaanu bhanu ni Bhayawudi, abhakora omusi gweswe gubhe na injogere.

Matayo 6:7

“Omwanya gunu omusabhwa, mwasiga okusubhiirira subhiirira emisango ja kutyo era rwa kutyo abhanyamanga abhakora. Abheene abheetogera ati, bharitegeresibhwa ku‑bhwafu bhwa emisango jeebhwe.

Barumi 2:22

Awe owiyigisya abhaanu ati bhasige okukora obhuromesi, nawe ni kurwa ki awe omwene owukora obhuromesi? Awe owusoka amasusano ga amasambwa, nawe ni kurwa ki awe omwene owiibha ebhiinu okusooka mu‑nju ja okuramya amasusano ago?

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

Ebikorwa 19:24

Mu‑musi ogwo aariga ari‑mo omukonji umwi wa amasusano aga jiyera, risiina ryaye aatogwaga Demetiriiyo. Aakonjaga amasusano ganu gaasusanaga na riyekaru rya risambwa ryebhwe rinu ryatogwaga Ariteemi. Ka wone bhanu bhaakoraga emirimu nage bhaabhonaga omuriiro mwafu.

Ebikorwa 19:33

Abharebhe mu‑chise echo nibheetogera ati injogere yaariga iri inguru ya Arekijanda kwa okubha Abhayawudi, ꞉bhaamukuuriiye imbere ya abhaanu abho. Arekijanda aariga ari na omusango gwa okwayika. Niwo, ˆnaabhawungisya okubhoko ati bhajibhire, kwa okubha aariga ˆnaakena okureeta obhwibhagisi imbere yeebhwe.

Ebikorwa 19:35

Ku‑bhuteero, omukaami omukuru wa omusi ogwo, ˆnaajibhisya abhaanu abho, ˆnaabhabhwira ati, “Emwe Abhayefeeso, ni wuuya mu‑bhyaro ebhindi bhyone, unu atakumenya ati, gunu nigwo omusi gunu ogwangarira riyekaru rya risambwa rikuru Ariteemi, aamwi na risusano ryagwo rinu riikire okusooka mu‑rwire?