Ebikorwa 19:29 - Indagano Inyaaya mu-Chijita

²⁹ Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

INDAGANO INYA:YA

²⁹ Omusi gwone nigwijura omuusano gunu, nibagona na mutima gumwi okukinga anu bariga nibe:nyera, nibagwata Gayo na Arisitariko, abende Makedonia, banu baribataga aamwi na Paulo.

Ebikorwa 19:29 Referans Kwoze

Ebikorwa 20:4

Ku‑rugendo runu, Pawuro ꞉aayeregesibhwe na Sopateeri omwana wa Piiro okusooka mu‑musi gwa Bherooya, aamwi na abhaanu bhabhiri, Arisitaariko na Sekundo okusooka mu‑musi gwa Tesaroonike, Gaayo okusooka mu‑musi gwa Deeribhe, Timoteewo, Tukiiko na Torofiimo okusooka mu‑mukoowa gwa Asiya.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

Ebikorwa 27:2

Nichiriinya mu‑ngarabha imwi ya mu‑musi gwa Adiraamiti inu yaariga niigenda na okugobha ku‑bhigobhero bhya omukoowa gwa Asiya. Chejire chaamba orugendo rweswe, chaariga chiri aamwi na Arisitaariko, wa mu‑musi gwa Tesaroonike mu‑mukoowa gwa Makedooniya.

1 Bakorinto 4:9

Nawe enirora ati Nyamuwanga achikorere eswe jitumwa okubha abhaanu bha okugaywa okukira bhoone. Chiri rwa abhaanu bhanu bharamuuywe okwitwa. Chikorerwe rwa abhaanu bha okusekwa ku‑chaaro, ku‑bhamaraayika na ku‑bhaanu.

1 Bakorinto 1:14

Enisiima Nyamuwanga, kwa okubha ꞉nitaabhatiijiisye omuunu woonewoone kw‑imwe, tari Kirisipo na Gaayo.

Barumi 16:23

Gaayo unu anye Pawuro niikaaye ewaaye, wone kaabhakeesya. Iika ewaaye niwo abheekirisya bhoone bha rikanisa rya endanu abheekofyanya. Ka wone, Erasito unu ari mubhiiki wa jipirya ja omusi gunu, kaabhakeesya. Ku‑bhuteero, omuyiri weeswe Kwarito kaabhakeesya. [

Ebikorwa 21:30

Mbe, abhaanu nibhaamba okukora injogere mbaara joone ja omusi gwa Yerusareemu. Okusooka mbaara joone abhaanu abho nibhabhirimira Pawuro mw‑Iyekaru, nibhamukurumukira, nibhakurura Pawuro nibhamuwurusya anja na jinjigi jaaryo nijiigarwa kwa amanaga.

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.

Ebikorwa 21:38

Awe utari Mumiisiri unu ꞉aasokanyiisye abheeti bhiwumbi bhina (4,000) ˆnaabhatangasya okuja ibhara?”

Ebikorwa 20:34

Emwe abheene mumenyere kisikisi ati naariga ninkora emirimu kwa amabhoko gaani, okubhona jipirya ja okugura ebhiinu bhyone bhinu anye aamwi na abheejaasu chaakenaga.

Ebikorwa 19:32

Awo abhaanu nibhakora injogere muno. Abharebhe nibhajujuumira omusango gumwi, abhandi omusango ogundi. Abhaafu mu‑bheene ꞉bhataamenyere noorwo chinu ꞉chaakorere nibheekofyanya omwo.

Ebikorwa 17:8

Abhakuru bha omusi ogwo, aamwi na echise echo bhunu ꞉bhoonguuwe emisango ejo, nibhatitibhara muno.

Ebikorwa 16:9

Mu‑ngeta, Pawuro ˆnaarora ebhiroro. Mu‑bhiroro ebhyo, ꞉aarorere omuunu umwi wa mu‑mukoowa gwa Makedooniya eemereeguuyu, ˆnaamwirembeeresya, ˆnaayika ati, “Yaambuka, uuje Makedooniya enu, uchisakire.”

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

3 Yoana 1:1

Anye omukaruka waawo mu‑riikirisya, enikukaamira awe Gaayo omwendwa waani. Chimari nikwendere.