Ebikorwa 19:17 - Indagano Inyaaya mu-Chijita

¹⁷ Emisango ejo nijiswirana muno mu‑Bhayawudi na mu‑Bhayunaani bha Yefeeso bhanu bhaaramyaga Nyamuwanga. Abho bhoone nibhayaya, nibhakuuya risiina rya Raatabhugenyi Yeesu.

INDAGANO INYA:YA

¹⁷ Omusango gunu nigumenyeka ku Bayaudi na Bagiriki bo:ne banu bariga be:kae Efeso. Obu:ba nibubagwata bo:ne, na risi:na rya Ratabugenyi Yesu nirikusibwa.

Ebikorwa 19:17 Referans Kwoze

2 Batesalonika 1:12

Echisabhwa ejo, korereki risiina rya Raatabhugenyi weeswe Yeesu rikusibhwe ku‑jinu omumukorera, nyabhuriko emwe wone mukusibhwe ku‑jinu kaabhakorera. Ejo ejija okukorekana ku‑bhwitiriranya bhwa Nyamuwanga weeswe na obhwa Raatabhugenyi Yeesu Kirisito.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

Bafilipi 1:20

Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

Ebikorwa 13:12

Omwanya gunu omusiibha oyo ꞉aarorere echikorwa echo, ˆneekirisya Raatabhugenyi, ˆnaaruguurira muno ameeyigisyo ganu geeyigisibhwaga inguru ya Raatabhugenyi.

Ebikorwa 5:11

Ejo nijikora abheekirisya bhoone, aamwi na abhandi bhoone bhanu ꞉bhoonguuwe emisango ejo, nibhoobhaya muno.

Ebikorwa 5:5

Ananiiya ejire oongwa emisango ejo, awoawo ˆnaagwa aasi, ˆnaafwa. Abhaanu bhoone bhanu ꞉bhoonguuwe emisango ejo na okurora echikorwa echo ꞉bhoobhayire muno.

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 5:13

Abhaanu bhanu bhaariga bhachaari okwikirisya Yeesu, nibhoobhaya okubha aamwi nabho. Noorwo kutyo, bhaariga nibhabhayaana echibharo muno.

Ebikorwa 2:43

Jitumwa ejo bhaariga nibhakora ebhiruguusyo na ebhibharikisyo bhyafu, okukingira abhaanu bhoone nibhayaya.

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Ruuka 1:65

Abheekasyanya bhaaye bhoone, nibhayaya muno. Omusango ogwo niguswirana muno mu‑chaaro choone cha mu‑bhiima bhya Yuudeya.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Ebikorwa 19:16

Niwo omuunu oyo aariga awungirwe na risambwa, ˆnaagonera abhaanu abho, ˆnaabhakira amanaga. ˆNaabhabhuma muno, okukingira nibheerukira anja bhari tuyu na bhawutaasiibhwe.

Ebikorwa 19:18

Awo abhaanu bhaafu bhanu ꞉bheekirisiisye Yeesu, bhaariga nibhata imbere ya abhaanu ebhikorwa bhyebhwe ebhibhiibhi bhinu bhaariga bhakorere.