Ebikorwa 19:11 - Indagano Inyaaya mu-Chijita

¹¹ Nyamuwanga ꞉aakorere emisango ja okuruguusya kwa amabhoko ga Pawuro.

INDAGANO INYA:YA

¹¹ Nyamuanga nakoraga kusiku mu maboko ga Paulo ebirugu:ro binu bitendega:rorwa.

Ebikorwa 19:11 Referans Kwoze

Ebikorwa 5:12

Jitumwa ja Yeesu bhaariga nibhakora ebhibharikisyo na ebhiruguusyo bhyafu mu‑bhaanu. Abheekirisya bhoone bha Yeesu bhaariga nibheekofyanya aamwi mu‑rubhuga rwa Riyekaru mw‑Igaragariro rya Seremaani.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.

Ebikorwa 8:13

Noorwo Simooni wone ˆneekirisya Yeesu, ˆnaabhatiijibhwa, ˆnaaruubhana na Firipo bhuri orubhaara. Omwanya gunu ꞉aarorere ebhibharikisyo na ebhiruguusyo bhyafu bhinu Firipo aariga ˆnaakora, ꞉aaruguurire.

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.

Bagalatia 3:5

Mumbwire, Nyamuwanga kaabhayaana Mwoyo Mweru na okukora ebhiruguusyo agati yeemwe kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Ebikorwa 15:12

Awo, abhaanu bhoone nibhajibhira jibhi, Bharinaabha na Pawuro nibhabhabhwiraga kutyo Nyamuwanga aariga ˆneeresya ebhibharikisyo na ebhiruguusyo bhyafu ku‑bhaanu bhanu bhatari Bhayawudi kwa okutura ku‑bheene.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.