Ebikorwa 18:26 - Indagano Inyaaya mu-Chijita

²⁶ Apooro ꞉aambire okusimura kwa ribhaasi nene mu‑nju ya eriikofyanyo rya Abhayawudi. Mbe Pirisiira na Akiira, bhejire bhaamutegeresya nibhamukuma iika eweebhwe, nibhamusomboorera emisango ja injira ya Nyamuwanga jinu aariga achaari okuungwa.

INDAGANO INYA:YA

²⁶ Namba okusimura no buba:si mu rikofyanyisyo. Nawe Pirisika na Akula bejire bongwa, nibamusira ewebwe, nibongesya okumusombo:rera injira ya Nyamuanga kisiki:si.

Ebikorwa 18:26 Referans Kwoze

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.

1 Bakorinto 12:21

Eriiso ritakutura okubhwira okubhoko ati, “Nitari na obhukene na awe.” Noorwo omutwe gutakutura okubhwira amaguru ati, “Nitari na obhukene na emwe.”

Ebikorwa 18:25

Omuunu oyo aariga eeyigisiibhwe injira ya Raatabhugenyi, na aariga ˆnaayiririrwa mu‑mwoyo gwaye, ˆneeyigisyaga na okwayika abhwerubhweru inguru ya Yeesu. Noorwo kutyo aariga amenyere inguru ya obhubhatiijo bhwa Yowana era.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 8:31

ˆNaamusubhya ati, “Enitura okujisombookerwa kutiki, ataabha‑wo omuunu wa okujinsomboorera?” Kurwa ejo ˆnaakuma Firipo eenyanje aamwi nage kw‑ibhirigiti.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 19:26

“Omwene ˆnaabhabhwira ati, ‘Ni chimari ati, bhuri muunu unu kaakorera emirimu kisi, ebhiinu bhinu kaayaanwa, kaja okwongesibhwa ebhindi. Omuunu unu atakubhikorera emirimu kisi, noorwo echitooto chinu ari nacho kaja okuteesibhwa.

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

1 Bakorinto 8:2

Araabha omuunu keerora ati kaamenya omusango omurebhe, oyo achaari okumenya gwonegwone rwa kutyo keendwa amenye.

Ebikorwa 18:18

Pawuro ejire aabha Koriito kwa omwanya, ˆnaaragana na abheekirisya abheejaabho, ˆnaagenda mu‑musi gwa Keekereya, ˆnaamwega jifwiri jaaye kwa okubha aariga ateeye‑wo echirayiro. Neeya Pawuro, Pirisiira na Akiira, nibhatura mu‑nyanja bhari mu‑ngarabha nibhagendaga mu‑mukoowa gwa Siiriya.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.