Ebikorwa 18:22 - Indagano Inyaaya mu-Chijita

²² Mbe, ejire aakinga ˆnaasikirira mu‑musi gwa Kayisaariya, ˆnaagenda Yerusareemu, ˆnaakeesya abheekirisya, neeya ˆnaagenda mu‑musi gwa Atiyookiya.

INDAGANO INYA:YA

²² Nagoba Kaisaria, narinya nake:sya aba ikanisa, nagenda Antiokia.

Ebikorwa 18:22 Referans Kwoze

Ebikorwa 8:40

Firipo ˆneefurwa ari mu‑musi gwa Ajooto. ˆNaamba orugendo rwa okuja mu‑musi gwa Kayisaariya, ˆnaaturaga mu‑misi joone ku‑njira. Mu‑bhuri musi aaraasisyaga abhaanu Emisango ja Ekisi ja Yeesu okukingira mu‑musi gwa Kayisaariya.

Ebikorwa 25:9

Feesito aariga ˆneenda okwikondya ku‑Bhayawudi, kurwa ejo ˆnaabhuusya Pawuro ati, “Angu owikirisya okuriinya Yerusareemu korereki uramurwe eyo imbere yaani inguru ya echiina chinu?”

Ebikorwa 25:1

Feesito ejire aamara siku esatu era mu‑mukoowa gwa Yuudeya, ˆnaasooka Kayisaariya, ˆnaariinya okugenda Yerusareemu.

Ebikorwa 23:23

Neeya omukuru urya ˆnaabhirikira abhaangarisi bhabhiri bha abhasirikare bhaaye, ˆnaabhabhwira ati, “Mwiraabhe abhasirikare magana gabhiri (200), abhasirikare makumi gataanu na gabhiri abha jifwaraasi na abhandi magana gabhiri (200) abha amachumu bhagende Kayisaariya saa esatu mu‑ngeta.

Ebikorwa 15:35

Pawuro na Bharinaabha wone nibhasigara Atiyookiya eyo. Abheene, aamwi na abhaanu abhandi abhaafu, bheeyigisyaga na okuraasisya abhaanu Emisango ja Ekisi inguru ya Raatabhugenyi Yeesu.

Ebikorwa 15:30

Jitumwa jinu ꞉bhaatumirwe bhejire bhaasigana na abheejaabho abho, ꞉bhooromokeeye Atiyookiya. Nibhakofya abheekirisya bhoone bha Atiyookiya, nibhabhayaana inyarubha irya.

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Ebikorwa 15:4

Pawuro na abheejaabho abho, omwanya gunu ꞉bhaakingire Yerusareemu, nibhakumwa kisi na jitumwa ja Yeesu, aamwi na abhakaruka na abheekirisya bha rikanisa. Pawuro na abheejaabho nibhabhabhwira joone jinu Nyamuwanga ꞉aakorere, okutura ku‑bheene.

Ebikorwa 14:26

Okusooka Ataariya awo nibhatura mu‑ngarabha, nibhasubha Atiyookiya ya Siiriya. Awo niwo abheekirisya ꞉bhaabhasabhiiywe obhwitiriranya bhwa Nyamuwanga ku‑murimu gunu bhaariga bhakuumisiisye.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 11:11

“Omwanya guryagurya, abhaanu abhasatu bhanu ꞉bhaatumirwe kw‑anye okusooka Kayisaariya, nibhakinga imbere ya inju inu naariga nikaaye‑mo.

Ebikorwa 10:24

Orusuku rwa kabhiri, nibhakinga mu‑musi gwa Kayisaariya nibhagendaga ewa Koroneeriyo. Omwanya ogwo Koroneeriyo aariga akumanyiisye abhaabho, aamwi na abhasaani bhaaye, nibharindiriraga Peetero.

Ebikorwa 10:1

Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”