Ebikorwa 17:32 - Indagano Inyaaya mu-Chijita

³² Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”

INDAGANO INYA:YA

³² Nawe bejire bongwa ebyo kusu:ka kwa bafu:ye, abandi nibagomberera. Abandi niba:ika ati, Cakakutegeresye rindi ku bigambo ebyo.

Ebikorwa 17:32 Referans Kwoze

Ebikorwa 26:8

Mbawo emwe mutakwikirisya ati Nyamuwanga kaasuurura abhafuuwe?

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

2 Bakorinto 6:2

Okubha Nyamuwanga kaayika mu‑Bhikaame Ebhyeru ati, “Omwanya gunu ꞉gweekirisiibhwe, ꞉naakutegeresiisye, orusuku rwa obhuchungusi, ꞉naakusakiiye.” Mbe tegeresya, omwanya gunu gwikirisiibhwe nigwo gunu, orusuku rwa obhuchungusi nirwo runu!

Ebikorwa 25:19

Tari bhaariga nibhabhambasyanya nage inguru ya amabhuusyo ga idiini yeebhwe era na inguru ya omuunu umwi unu ꞉aafuuwe, risiina ryaye aatogwaga Yeesu. Nawe Pawuro kaayika ati omuunu oyo ni muwanga.

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

Ebikorwa 2:13

Nawe abhaanu abhandi, bhaariga nibhaseka abhaanu bha Yeesu abho, nibhaayikaga ati, “Bhakorerwe echifuufu!”

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Ruuka 14:18

“Nawe, abhaanu bhoone bhanu bhaariga bhakokerwe, bhuri umwi weebhwe ˆnaamusabhwa amufwire echigongo. Omuunu wa okwamba, ˆnaayika ati, ‘Nigurire risambu, ni bhusibhusi nigende okurirora. Enikusabhwa unfwire echigongo.’

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

Ebikorwa 13:41

‘Emwe bhanu omugaya, muringire! Muruguure, rindi musingaarike, kwa okubha enikora omusango mu‑siku jeemwe gunu mutarigwikirisya, noorwo omuunu akabhasomboorera!’”

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

Baeburania 11:36

Abhandi ꞉bhaakoomooywe na okubhumwa na jijaridi. Abhandi ꞉bhaabhoyerwe na amaseega na okweswa mw‑ibhoyero.

Ruuka 23:36

Abhasirikare bharya wone nibhamusiijaaka, nibhamufogera‑ko, korereki bhamuyaane isese inu yaariga itari nduru.

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Ruuka 22:63

Abhaanu bhanu bhaariga nibhaangarira Yeesu, bhaamusiijaakaga, na okumubhuma.

Ebikorwa 17:33

Awo Pawuro ˆnaasooka mw‑iromero eryo.

1 Bakorinto 15:12

Woori, araabha echiraasya ati Kirisito ꞉aasuurukire okusooka mu‑bhafuuwe, jaabha kutiki abhandi agati yeemwe abhaayika ati abhafuuwe bhatarisuuruka?