Ebikorwa 17:3 - Indagano Inyaaya mu-Chijita

³ ˆnaabheeresyaga abhwerubhweru ati, Kirisito aariga akenerwe anyaasibhwe na okwitwa na ati ni bhusibhusi asuuruke okusooka mu‑bhafuuwe. Pawuro ˆnaagenderera okubhabhwira ati, “Kirisito unu enibhabhwira omusango gwaye, niwe Yeesu.”

INDAGANO INYA:YA

³ Nasombora no kube:resya ati, Kwariga kumwiire Kristo okunya:sibwa no kusu:ka mu bafu:ye, na:ika ati, Yesu unu anye enibasimurira niwe Kristo.

Ebikorwa 17:3 Referans Kwoze

Ebikorwa 18:28

Okubha Apooro, ꞉aayigire Abhayawudi abhwerubhweru, aabheeresyaga kwa Ebhikaame Ebhyeru ati Yeesu niwe Kirisito.

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.

Ruuka 24:32

Mbe, nibhabhuusyanya ati, “Omwanya gunu aari ˆnaayika na eswe ku‑njira, ˆnaachiyobhooreraga Ebhikaame Ebhyeru bhya Nyamuwanga, emyoyo jeeswe ꞉jaakondeeywe muno, jitari kutyo?”

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Ebikorwa 1:4

Rusuku rumwi, bhunu Yeesu aariga ˆnaarya aamwi na jitumwa ejo, ꞉aabharagiriiye ati, “Mwasiga okusooka mu‑musi gwa Yerusareemu. Tari, murindirire omwoomwo, okukingira omwanya gunu omuja okuramira omurago gunu Raata ꞉aabharagire rwa kutyo ꞉naabhabhwiriiye.

Yowana 20:9

noorwo kutyo bhaariga bhachaari okusombookerwa Ebhikaame Ebhyeru bhinu ebhyayika ati, Yeesu ni bhusibhusi asuuruke okusooka mu‑bhafuuwe.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.