Ebikorwa 17:15 - Indagano Inyaaya mu-Chijita

¹⁵ Abheekirisya bhanu ꞉bhaayeregesiisye Pawuro, ꞉bhaamukingiisye mu‑musi gwa Ateene. Bhunu bhaasubhaga, Pawuro ˆnaabharagirira ati bhabhwire Timoteewo na Siira ati bhamujee‑ko bhwangu.

INDAGANO INYA:YA

¹⁵ Nawe banu bamweregesyisye Paulo nibamusira mu Atene. Bejire bayanwa ecira:giro co kubabwira Silasi na Timoteo ati bamuru:be bwangwe, nibagenda.

Ebikorwa 17:15 Referans Kwoze

1 Batesalonika 3:1

Ku‑bhuteero nichitaamibhwa okugenderera okwigumiirisya, kwa okubha chaariga chitakumenya echiinu chinu chaakorekanaga eyo. Niwo nichiramura ati, ni akiri eswe, chisigare mu‑musi gwa Ateene.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 18:1

Emisango ejo jejire jaawa, Pawuro ˆnaasooka mu‑musi gwa Ateene awo, ˆnaagenda mu‑musi gwa Koriito.

Tiito 3:12

Anye niramuuye okuja okwikara mu‑musi gwa Nikapoori erya, omwanya gwa imbewo. Nawe enija okutuma Aritema amwi Tukiiko kw‑awe. Owumwi weebhwe akakukinga‑ko eyo, wiikomeesye okunyiija‑ko bhwangu, korereki chibhugane.

Ebikorwa 17:21

Omwanya ogwo abhaanu bha Ateene, aamwi na abhagenyi bha kura bhanu bhaariga bheekaaye eyo, bhaariga bhatakukora omusango ogundi, tari bhaategeresyaga emisango emiyaaya na okwayika inguru yaajo.

Ebikorwa 17:16

Omwanya gunu Pawuro aarindiriraga Siira na Timoteewo mu‑musi gwa Ateene awo, ˆnaarora ati, omusi ogwo gwone gwijuuye amasusano ga amasambwa. Ejire aarora kutyo, omwoyo gwaye nigusurumbara muno.

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 17:14

Awo abheekirisya abheejaabho nibhagega Pawuro, nibhamusira ku‑njekekera ya inyanja. Nawe Siira na Timoteewo abheene nibhasigara Bherooya awo.

Ebikorwa 17:22

Mbe Pawuro ˆneemereeguru mw‑iromero rikuru eryo, ˆnaayika ati, “Emwe abheekasi bha Ateene! Enirora ati omuruubha muno emisango ja idiini yeemwe.