Ebikorwa 16:34 - Indagano Inyaaya mu-Chijita

³⁴ ˆNaakuma Pawuro na Siira iika ewaaye, ˆnaabhayaana ebhiryo. ˆNaakonderwa muno aamwi na abhaanu bhaaye bhoone, kwa okubha ꞉bheekirisiisye Nyamuwanga.

INDAGANO INYA:YA

³⁴ Nabasira mu nyumba yae, nabategya inenda, nakonderwa aamwi na ba mu nyumba yae bo:ne, okuba be:kirisisye Nyamuanga.

Ebikorwa 16:34 Referans Kwoze

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Filemoni 1:7

Omuyiri waani, waankondisya na okunsiiriisya muno, kwa okubha eryenda ryawo, ryakora emyoyo ja abheekirisya abheejaanyu jisandabhe.

Barumi 5:11

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

Bafilipi 4:17

Nitakwayika kutyo kwa okubha enikena okuramira ebhiinu okusooka kw‑imwe, wuri. Tari eneenda nirore amabhando ganu Nyamuwanga aribhoongesya inguru ya obhufura bhwemwe.

Bafilipi 4:4

Mukonderwe siku joone kwa okubha emwe muri na obhumwi na Raatabhugenyi Yeesu, enaayika rindi ati mukonderwe!

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Ebikorwa 11:14

Oyo niwe kaja okukubhwira emisango na okutura ku‑misango ejo, awe na abhaanu bhoone bha iika ewaawo murichungurwa.’

Ebikorwa 8:39

Omwanya gunu ꞉bhaasookere mu‑manji, Mwoyo Mweru wa Raatabhugenyi ˆnaagega Firipo. Omukuru oyo ꞉ataamurorere rindi, ˆnaagenderera na orugendo rwaye ˆnaakonderwaga.

Ruuka 19:6

Awoawo, Jaakayo ˆneeka bhwangu, ˆnaakuma Yeesu iika ewaaye enu ˆnaakonderwaga muno.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 5:29

Neeya Raawi ˆnaakora obhugenyi obhunene iika ewaaye inguru ya Yeesu. Iika wa Raawi awo bhaariga bheekofyanyiisye‑wo abhatobhesya bhaafu bha rigooti na abhaanu abhandi, nibheenyanja ku‑nenda okurya ebhiryo aamwi na Yeesu.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Ebikorwa 16:15

Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

Ebikorwa 16:35

Bhwejire bhwacha, abhatungi nibhatuma abhaangarisi bheebhwe ku‑muriisi wa ribhoyero, nibhamubhwira ati, “Mwigurire abhaanu bhanu.”