Ebikorwa 16:32 - Indagano Inyaaya mu-Chijita

³² Awo Pawuro na Siira nibheeyigisya omuriisi oyo Emisango ja Ekisi inguru ya Raatabhugenyi Yeesu, aamwi na abhaanu bha iika ewaaye.

INDAGANO INYA:YA

³² Nibamubwira omusango gwa Ratabugenyi aamwi na ba mu nyumba yae.

Ebikorwa 16:32 Referans Kwoze

1 Batesalonika 2:8

꞉Chaabheendere muno. Ka wone, ꞉chaakondeeywe, jitari kwa okubharaasisya Emisango ja Ekisi okusooka ku‑Nyamuwanga era, tari na okwisoosya okukora joone jinu ejikenwa korereki okubhasakira. ꞉Chaakorere kutyo, kwa okubha emwe muri bheendwa bheeswe.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Barumi 1:14

Nyamuwanga andagirira nibhe nindaasya Emisango ja Ekisi ku‑bhaanu bhoone, ku‑Bhayunaani na ku‑bhanu bhatari Bhayunaani, ku‑bha obhwengeeso na ku‑bhanu bhatari bha obhwengeeso.

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Ebikorwa 16:31

Nibhamusubhya ati, “Ikirisya Raatabhugenyi Yeesu, niwo owuja okuchunguka. Abhaanu bhoone bha iika ewaawo wone, bheekirisye Yeesu, niwo abhaja okuchunguka.”

Ebikorwa 16:33

Omwanya ogwoogwo gwa mu‑ngeta, omusirikare ˆnaagega Pawuro na Siira, ˆnoosya ebhiwuta bhyebhwe, ˆnaabhatiijibhwa awoawo aamwi na abhaanu bhaaye bhoone.