Ebikorwa 16:22 - Indagano Inyaaya mu-Chijita

²² Echise cha abhaanu bhanu bhaariga bheekumanyiisye awo nibhagenda kwa risungu ku‑Pawuro na Siira. Abhatungi abho nibhabhafuura emyenda kwa amanaga na okuragirira ati Pawuro na Siira bhabhumwe muno.

INDAGANO INYA:YA

²² Ecise nicibakurumukira aamwi. Abaramusi nibabatemurira jingubo jebwe, nibaragirira okubabuma ji:simbo.

Ebikorwa 16:22 Referans Kwoze

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Baeburania 11:36

Abhandi ꞉bhaakoomooywe na okubhumwa na jijaridi. Abhandi ꞉bhaabhoyerwe na amaseega na okweswa mw‑ibhoyero.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 16:37

Nawe Pawuro ˆnaabhwira abhaangarisi abho ati, “Bhaamachibhuma jisimbo abhwerubhweru imbere ya abhaanu bhatachibhusirisiisye, nibhachisira mw‑iromero, keenu eswe chiri Bharuumi! Nibhachituura mw‑ibhoyero, ka woori abheenda okuchisoosya‑mo bhumbise! Chitakwikirisya! Ni bhusibhusi abheene nibho bhaaje anu bhachisoosye‑mo.”

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.

Matayo 27:26

Niwo Piraato ˆnaabheegurira Bharaabha ku‑songa yeebhwe na okuragirira abhasirikare ati, bhabhume Yeesu na jijaridi, bhagende okumubhumiirira ku‑musarabha.

Matayo 10:17

Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.

Ruuka 12:11

“Bhaakabhasira mu‑nju ja ameekofyanyo geebhwe, imbere ya abhatungi na imbere ya abhakuru, mwasiga okuyaya inguru ya emisango jinu omuja okwayika mu‑kwibhagira.