Ebikorwa 16:15 - Indagano Inyaaya mu-Chijita

¹⁵ Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

INDAGANO INYA:YA

¹⁵ Wejire abatijibwa aamwi na ba mu nyumba yae, naciremberesya na:ika ati, Araba omundora ati, ndi mwiikanyibwa ku Ratabugenyi, mwingire mu nyumba yani, mwikaremo. Nacisinyirisya.

Ebikorwa 16:15 Referans Kwoze

Ebikorwa 11:14

Oyo niwe kaja okukubhwira emisango na okutura ku‑misango ejo, awe na abhaanu bhoone bha iika ewaawo murichungurwa.’

Baeburania 13:2

Ka wone mugenderere okukuma abhagenyi mu‑nju jeemwe, okubha ku‑njira eyo, abhaanu abhandi ꞉bhaakumire bhamaraayika wa Nyamuwanga okumenya wuri ati ni bhamaraayika.

Ebikorwa 16:33

Omwanya ogwoogwo gwa mu‑ngeta, omusirikare ˆnaagega Pawuro na Siira, ˆnoosya ebhiwuta bhyebhwe, ˆnaabhatiijibhwa awoawo aamwi na abhaanu bhaaye bhoone.

Ruuka 24:29

Nawe, nibhamwirembeeresya muno, nibhamubhwira ati, “Nuubhe aamwi na eswe anu! Okubha woori anu risuubha ryaguuwe, ingeta yeengiiye.” Niwo, Yeesu ˆneengira eweebhwe okwinyanja nabho.

3 Yoana 1:8

Kurwa ejo, eswe wone, echikenwa okusakira abhaanu rwa abho. Kwa okukora kutyo, echibha chisangiiye aamwi nabho ku‑mirimu ja okuraasya echimari.

3 Yoana 1:5

Mbe, omwendwa waani, awe uri omwiyikanyibhwa ku‑Nyamuwanga ku‑jinu owukorera abheejaasu, noorwo kutyo ni abhagenyi kw‑awe.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

Filemoni 1:17

Mbe woori, araabha owumenya ati anye niri na obhumwi na awe, nuumuramire rwa kutyo wakandamiiye anye.

Bafilipi 1:7

Ni kisi anye niganirisye kutyo inguru yeemwe bhoone, kwa okubha enibheenda muno. Okubha anye na emwe, chiyaaywe obhwitiriranya bhwa okusangira emirimu aamwi, nibhe niri mw‑ibhoyero amwi nimbagira na okweresya echimari cha Emisango ja Ekisi kutyo jiri.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Barumi 16:23

Gaayo unu anye Pawuro niikaaye ewaaye, wone kaabhakeesya. Iika ewaaye niwo abheekirisya bhoone bha rikanisa rya endanu abheekofyanya. Ka wone, Erasito unu ari mubhiiki wa jipirya ja omusi gunu, kaabhakeesya. Ku‑bhuteero, omuyiri weeswe Kwarito kaabhakeesya. [

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.

Ebikorwa 18:8

Kirisipo, omukuru wa inju ya eriikofyanyo eryo, ˆneekirisya Raatabhugenyi, aamwi na abhaanu bhoone bha iika ewaaye. Abhakoriito abhaafu nibhategeresya Pawuro, nibheekirisya na okubhatiijibhwa.

Ebikorwa 8:38

Awoawo ˆnaaragirira ribhirigiti rimereeguru. Niwo bhoone ku‑bhubhiri bhwebhwe nibheeka kw‑ibhirigiti, nibheengira mu‑manji ago, Firipo ˆnaamubhatiija.

Ebikorwa 8:12

Nawe omwanya gunu Firipo ꞉aabharaasisiisye Emisango ja Ekisi inguru ya obhukama bhwa Nyamuwanga, na inguru ya risiina rya Yeesu Kirisito, abhaanu nibheekirisya emisango jaaye, niwo abharume na abhagasi nibhabhatiijibhwa.

Ruuka 14:23

“Omwami oyo, ˆnaabhwira omugaya oyo rindi ati, ‘Mbe woori, nuugende anja ku‑maparapara amanene na ku‑mbibhi ja omusi, urembeereje abhaanu bhaaje bheengire, inju yaani yiijure.

Matayo 10:41

Omuunu woonewoone unu kaakuma omuragi kwa okubha ati, ni muragi wa echimari, Nyamuwanga ariyaana omuunu oyo, echiyaanwa rwa chinu ariyaana omuragi. Ka wone, omuunu woonewoone unu kaakuma omurengeresi kwa okubha ati, ni murengeresi, Nyamuwanga ariyaana omuunu oyo wone echiyaanwa rwa chinu ariyaana omurengeresi.

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Ebikorwa 16:31

Nibhamusubhya ati, “Ikirisya Raatabhugenyi Yeesu, niwo owuja okuchunguka. Abhaanu bhoone bha iika ewaawo wone, bheekirisye Yeesu, niwo abhaja okuchunguka.”

Ebikorwa 16:34

ˆNaakuma Pawuro na Siira iika ewaaye, ˆnaabhayaana ebhiryo. ˆNaakonderwa muno aamwi na abhaanu bhaaye bhoone, kwa okubha ꞉bheekirisiisye Nyamuwanga.