Ebikorwa 15:14 - Indagano Inyaaya mu-Chijita

¹⁴ Simiyooni aachibhwira kutyo Nyamuwanga ꞉aanyaakiriiye bhanu bhatari Bhayawudi korereki aawure abhaanu abharebhe mu‑bheene bhabhe abhaanu bhaaye.

INDAGANO INYA:YA

¹⁴ Simeoni acisombo:rera rwa kutyo Nyamuanga ambire okube:gana abamaanga, asoremo aba:nu bo kugega risi:na ryae.

Ebikorwa 15:14 Referans Kwoze

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Ruuka 1:78

Ku‑njira ya obhwafu bhwa echigongo cha Nyamuwanga weeswe, obhuchungusi okusooka mu‑rwire bhwachiija‑ko, rwa obhweru bhwa risuubha,

Ruuka 1:68

“Raatabhugenyi, Nyamuwanga wa Yisirayeeri, akusibhwe, kwa okubha, eejire okwerura abhaanu bhaaye.

Ruuka 2:25

Yerusareemu awo, aariga ari‑wo omuunu umwi unu aatogwaga ati, Simiyooni. Simiyooni oyo aariga ari murengeresi na aagayukaga Nyamuwanga. Omuunu oyo aarindiriraga okurora obhuchungusi bhwa Nyamuwanga ku‑Bhayisirayeeri. Mwoyo Mweru aariga ari aamwi nage.