Ebikorwa 15:13 - Indagano Inyaaya mu-Chijita

¹³ Omwanya gunu ꞉bhaamarire okwayika, Yakobho wone ˆnaayika ati, “Emwe abhayiri bhaasu, muntegeresye!

INDAGANO INYA:YA

¹³ Wejire bajibira, Yakobo naindura na:ika ati, Bamura ba:su munyungwe.

Ebikorwa 15:13 Referans Kwoze

Ebikorwa 12:17

Peetero ˆnaabhawungisya okubhoko bhajibhire, ˆnaabhatondera kutyo Raatabhugenyi Yeesu aamusoosya mw‑ibhoyero. Niwo ˆnaabhabhwira ati, “Emisango ejo, mubhwire Yakobho na abheekirisya abhandi.” Neeya Peetero ˆnaasooka awo, ˆnaagenda orubhaara orundi.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

Bagalatia 2:12

Peetero aaryaga ebhiryo aamwi na abheekirisya bhanu bhatari Bhayawudi ataabha na echiitimaato choonechoone. Nawe bhejire bhaaja abhaanu abharebhe okusooka ku‑Yakobho, Peetero ˆneeyawura okusooka ku‑bheekirisya bhanu bhatari Bhayawudi abho, ˆnaasiga okurya ebhiryo aamwi nabho. ꞉Aakorere kutyo, kwa okubha aariga ˆnoobhaya abhaanu bhanu bhaariga nibhakomeeresya ati abheekirisya bhoone ni bhusibhusi bhabhega nibhatendwa okwamba.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Bagalatia 1:19

Nawe ꞉nitaarorere jitumwa ejindi, tari Yakobho, omumura waabho Raatabhugenyi Yeesu.

Ebikorwa 22:1

Pawuro ˆnaayika ati, “Emwe bharaata na abhayiri bhaani bhoone, enibhasabhwa muntegeresye kisi omwanya gunu eniibhagira imbere yeemwe!”

Ebikorwa 21:18

Mwejo yende‑ko, nichigenda na Pawuro, nichiribhatira Yakobho, na abhakaruka bhoone bha rikanisa wone bhaariga bhari‑wo.

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

Ebikorwa 2:29

Peetero ˆnaagenderera okwayika ati, “Abhayiri bhaasu, enitura okubhabhwira abhwerubhweru ati saaja weeswe Dawudi ꞉aafuuwe, ˆnaasiikwa, iifwa yaaye iri anu noorwo reero.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 2:14

Niwo Peetero ˆneemereeguru, aamwi na jitumwa jeejaabho jirya ekumi na umwi, ˆnaamura obhuraka ˆnaabhwira abhaanu abho ati, “Emwe Abhayawudi bheejaasu, na emwe abhandi bhanu mwikaaye Yerusareemu anu, muntegeresye kisi, korereki nibheeresye emisango jinu!

Mariko 15:40

Bhaariga bhari‑wo abhagasi bhanu bhaariga nibharingira bhari kura‑wo. Mu‑bhagasi abho aariga ari‑mo Maryamu okusooka mu‑musi gwa Magidara, Saroome na Maryamu nyiramwene Yakobho omutooto na Yoose.

Ebikorwa 15:14

Simiyooni aachibhwira kutyo Nyamuwanga ꞉aanyaakiriiye bhanu bhatari Bhayawudi korereki aawure abhaanu abharebhe mu‑bheene bhabhe abhaanu bhaaye.