Ebikorwa 14:15 - Indagano Inyaaya mu-Chijita

¹⁵ “Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

INDAGANO INYA:YA

¹⁵ Niba:ika ati, ?Bamura, niki cinu ecikora nimukora kutya? Neswe one riri ba:nu rwemwe, ecibabwira ebigambo ebikonde korereki musige ebya kutyo era ebyeja:bo binu, muindukire Nyamuanga omuanga, unu akorere orwire na i:si, na inyanja na binu byone birimo.

Ebikorwa 14:15 Referans Kwoze

Yakobo 5:17

Omuragi Yeeriya, aariga ari muunu rwa eswe. ꞉Aasabhirwe muno ingʼubha isige okugwa na niisiga okugwa ku‑chaaro cha Yisirayeeri miguuga esatu na ameesi gataanu na kumwi.

1 Bakorinto 8:4

Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

Ebikorwa 10:26

Nawe Peetero ˆnaamwinamusya ˆnaamubhwira ati, “Imereeguru! Anye wone niri omuunu era rwa awe!”

Obhusweruro 14:7

Mbe, maraayika oyo, ˆnaamura obhuraka ˆnaayika ati, “Mugayuke, muramye na okukuuya Nyamuwanga, okubha omwanya gwa okuramura abhaanu gwakingire. Muramye unu ꞉aabhumbire orutumba, echaaro, inyanja na emimiro ja amanji.”

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Ebikorwa 4:24

Bhejire bhoongwa emisango ejo, bhoone nibhaamura obhuraka okusabhwa Nyamuwanga ati, “Raatabhugenyi awe, Nyamuwanga owa obhuturo bhwone. Awe ꞉waabhumbire orutumba, echaaro, inyanja, na bhyone bhinu bhiri‑mo.

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Baeburania 3:12

Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

Ebikorwa 14:21

Pawuro na Bharinaabha ꞉bhaaraasiisye Emisango ja Ekisi ja Yeesu mu‑musi gwa Deeribhe na okubhona abheeyigisibhwa bhaafu. Ejo jejire jaawa nibhagenda, nibhaturaga mu‑misi ja Risitura, Yikoniya na Atiyookiya Pisiidiya.

Yowana 7:18

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

Obhusweruro 22:9

Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abharagi bhanu bhari abhayiri bheejaanyu mu‑riikirisya na bhoone bhanu abhagayuka emisango ja echitabho chinu. Ramya Nyamuwanga omwene era!”

Obhusweruro 19:19

Mbe, nindora rityanyi rirya rya okwamba na abhakama bha echaaro na ebhise bhyebhwe bhya abhasirikare ꞉bheekofyanyiisye aamwi. Abho bhoone, bhaariga nibhakena okurwana riremo na unu aariga eenyanjire ku‑fwaraasi iinyeru, ari aamwi na ebhise bhyaye bhya abhasirikare.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Ebikorwa 27:25

Mbe, mwikomeesye mu‑myoyo jeemwe, kwa okubha eniikirisya ati, Nyamuwanga kaja okukora joone rwa kutyo ambwiriiye.

Ebikorwa 27:21

Gwejire gwatura omwanya omureera bhachaari okurya ebhiryo, Pawuro ˆneemereeguru agati yeebhwe, ˆnaabhabhwira ati, “Bhamura, ku‑mwanya gurya chiri Kireete ꞉naabhabhwiriiye ati chisige okusooka‑wo, jaariga jiiyire muntegeresye. Mukantegeresiisye, ebhiinu bhyemwe bhitakasingaarikire noorwo okufwirwa‑mo kutya.

Ebikorwa 27:10

“Bhamura, anye enirora ati chikagenderera na orugendo rweswe runu, oruja okuchireetera inyaako na okufwirwa‑mo. Ingarabha, emigugu, noorwo eswe abheene wone echija okusingaarika.”

Ebikorwa 16:30

Akatungu katooto okutura, omuriisi urya ˆnaawuruka na Pawuro na Siira mw‑ibhoyero, ˆnaabhabhuusya ati, “Emwe abhaami bhaani, nikore kutiki korereki nichunguke?”

Ebikorwa 14:7

Bhuri rubhaara bhaariga nibharaasisya abhaanu Emisango ja Ekisi ja Yeesu.

Ebikorwa 13:32

“Eswe echibharaasisya emwe Emisango ja Ekisi ati, jinu nijo Nyamuwanga ꞉aaragire bhasaaja weeswe,

Ebikorwa 7:26

Mwejo yende‑ko, ˆnaasongʼana Abhayisirayeeri bhabhiri nibharwanaga. ˆNaaregeeja okubhagwatanya, ˆnaabhabhwiraga ati, ‘Emwe muri bhamwi! Mbawo omuwutaasyanya?’

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”